Новости за 29.05.2020

Hytaý ýuwaş-ýuwaşdan Merkezi Aziýada yzygiderli howpsuzlyk täsirini artdyrýar we Russiýa bilen aradaky ara tapawudy azaldýar. Bu meýil “öňümizdäki on ýyllykda” Moskwanyň sebitdäki täsirini “gowşadyp” biler, diýlip täze hasabatda aýdylýar.

Türkmenistanyň gündogar sebitlerinde turan tupandan bir aý çemesi wagt soň, onuň netijeleri we pida bolan adamlar baradaky maglumatlar heniz hem gümürtikliginde galýar.

Aşgabadyň köçelerinde Polisiýanyň ýol gözegçiligi gullugynyň (PÝGG) işgärleri zenan sürüjileriň resminamalaryny ellerinden almak çärelerini güýçlendirdiler. Lebap welaýatynyň ýol polisiýasy dürli reňkdäki ulaglar bilen bir hatarda, tigirleri gara diskli ak ulaglary hem "awlaýarlar".

COVID-19 keseliniň dünýä ýaýramagy dowam edýär. Merkezi Aziýanyň we Türkmenistan bilen goňşy döwletleriň hökümetleri günde täze kesellänleriň hasaba alnandygyny habar berýärler. Dünýäde koronawirus ýokaşan adamlaryň sany 5.9 milliona ýetdi.

Türkiýede ýaşaýan türkmenistanlylaryň bir topary 29-njy maýda Stambuldaky türkmen konsullygynyň öňünde nobatdaky protest aksiýasyny geçirdi.  Sosial mediada çap edilen wideoda onlarça türkmenistanlynyň türkmen häkimiýetlerine, prezident Gurbanguly Berdimuhamedowa garşy şygarlara gygyryşy, ýurtda emele gelen agyr ykdysady şertlerden nägilelik bildirişleri görünýär. Protestçiler häkimiýet wekilleriniň öňlerini almak üçin eden synanyşyklaryna gaýtawul berip, özleriniň geçip gitjekdiklerini aýtdylar. Читать дальше...

Human Rights Watch (HRW) guramasy Türkmenistanda erkekler bilen jynsy gatnaşykda bolan erkekleriň türmä basylmagynyň dowam edýändigini aýdyp, Aşgabatda gomeseksuallykda aýyplanyp tussag edilen belli şoumen ýigidiň​ iki ýyl türme tussaglygyna höküm edilendigi barada beýanat ýaýratdy.

Täjigistanyň garaşsyz “Asia Plus” habar gullugynyň žurnalistine golaýda iki adamyň ölmegine sebäp bolan ýer süýşmesi barada habar bereninden soň, gysga wagtda ikinji gezek hüjüm edildi. Abdulloh Ghurbati Azatlyk radiosy bilen söhbetdeşlikde 29-njy maýda Hatlon sebitiniň günortasynda özüne üç adamyň hüjüm edendigini aýtdy. Onuň sözlerine görä, hüjüm ol adamlaryň biri özüni oba başlygy hökmünde tanadyp, žurnalisti "prowokatorlykda" aýyplanyndan soň başlanypdyr. “Men ýer süýşmeginden ejir çeken... Читать дальше...

29-njy maýda irden Kiýew sebitiniň Browary şäherinde ýüz töweregi adamyň gatnaşmagynda atyşyk boldy diýip, içeri işler ministri Arsen Awakow  aýtdy.  Häkimiýetler bu atyşygy "ýolagçy gatnawy bilen meşgullanýan telekeçiler" bilen baglanyşdyrýarlar.  Awakow munuň "ýolagçy gatnadýanlaryň kwotalaryny kesgitlemekdäki korrupsiýa, transport ýollary ugrundaky göreşe garakçylary çekmek bilen baglanyşyklydygyny” aýtdy. Häzirlikçe takmynan 10 adamyň tussag edilendigi, atyşyga gatnaşan beýleki adamlaryň gözlenilýändigi aýdylýar. Читать дальше...

2020-nji ýylyň birinji çärýeginde, 2019-njy ýylyň degişli döwri bilen deňeşdirilende, Gyrgyzystanyň oba hojalyk önümleriniň eksporty 112% ýokarlandy. Bu 5 milliard 383 million soma barabar bolýar diýip, Oba hojalygy, azyk senagaty we meliorasiýa ministri Erkinbek Çodyýew brifingde aýtdy. Onuň sözlerine görä, 382,5 million soma barabar maldarçylyk önümleri eksport edildi. Hususan-da, janly mal eksporty 78% ösdi. Üç aýyň dowamynda daşary ýurda 8800 mal satyldy, bu bolsa geçen ýylyň degişli döwri... Читать дальше...

Almaty sebitiniň Karaoý obasynyň golaýyndaky ýörite gonamçylykda jaýlananlaryň sany alty adama çenli köpeldi.  Birnäçe gün öň, 25-nji maýda bu ýerde 32 mazar bardy. 29-njy maýda ol ýere baryp gören habarçylar mazarlaryň sanynyň 38-e ýetendigini gördüler. 29-njy maýda öýlän gonamçylygyň şertli hristian böleginde 20 sany mazar, musulman böleginde 18 mazar bardy. Resmi maglumatlara görä, Almaty şäherinde koronawirusdan ölenleriň sany öňküleri ýaly 10 bolup durýar. Almaty sebitinde COVID-19-dan ölen adamlar resmi taýdan hasaba alynmady. Читать дальше...

Birleşen Milletler Guramasynyň başlygy koronawirus pandemiýasynyň ösýän ýurtlarda köpçülikleýin açlyga getirip biljekdigini aýtdy. BMG-niň Baş sekretary Antonio Guterriş 28-nji maýda geçirilen ýokary derejeli ýygnakda COVID-19 pandemiýasynyň giň ýaýran açlyk we işsizlik nitejesinde “bütin dünýäde göz öňüne getirip bolmajak weýrançylyklara we ejir çekmelere” sebäp boljakdygyny öňe sürdi.  Guterriş haýal etmezden global derejede ylalaşylan çäreleriň görülmegine, şol sanda maliýe we bergi-borç meselelerinde ýeňillikleriň döredilmegine çagyrdy.