Новости за 15.09.2020

Türkmenistan internet elýeterliligine we VPN ulanyjylaryna basyş etmegini dowam etdirýär. Habarçylaryň aýdyşy ýaly, internete ygtybarly girmekdäki kynçylyklar bir ýarym aý mundan ozal başlandy, emma petiklenmegine we azar berilmegine garamazdan, ulanyjylaryň VPN-e bolan islegi artýar.

Belarusyň oppozisiýa lideri Swýatlana Tihanowskaýa awtoritar lider Alýaksandr Lukaşenkanyň gorkuzmak taktikalarynyň geçen aýdaky saýlawlaryň jedelli netijelerine garşy protest geçirýän onlarça müň adamy has-da gaýduwsyzlaşdyrýandygyny aýtdy. Saýlaw netijelerini Günbatar “galp” atlandyrypdy.

Mary şäheriniň häkimiýetleri hususy dükanlardaky we söwda nokatlaryndaky kameralaryň hasabyna köçelere gözegçiligi güýçlendirmegi maksat edinýär. Bu barada Azatlyk Radiosynyň habarçysy Mary welaýatyndan habar berýär.

Lebapda häkimiýetler býujet işgärlerini prezident Gurbanguly Berdimuhamedowyň golaýda çap edilen “Türkmeniň döwletlilik ýörelgesi” atly täze kitabyny satyn almaga mejbur edýärler.

Türkmenistanda global pandemiýanyň fonunda hereket çäklendirmeleri saklanyp galýan mahaly, Daşogzuň aeroportunda her gün biletli ýolagçylaryň onlarçasy uçara münüp bilmeýär. Azatlyk Radiosynyň bu barada habar berýän ýerli habarçysy munuň sebäpleriniň uçar biletleriniň göz öňünde tutulandan has köp adama satylmagy bilen baglanyşyklydygyny aýdýar. "Adatça her welaýatdan Aşgabada ýa-da beýleki sebitlere günde iki uçar reýsi bar. Bu uçar reýsleriniň her birinde bolmalysyndan 16-18 bilet artykmaç satylýar. Читать дальше...

Rus oppozisiýa wekili Alekseý Nawalny özbaşdak dem alyp bilýändigini we “umuman alanyňda” özüni gowy duýýandygyny aýtdy. Ol german keselhanasynda nerw agentiniň zäherlenmegi bilen baglylykdaky bejergisini dowam etdirýär. “Men häzir kän zady başarmaýaryn, emma düýn men özbaşdak dem alyp bildim” diýip, Nawalny 15-nji sentýabrda Instagram hasabynda ýazgy galdyrdy.   Nawalny 20-nji sentýabrda Russiýada içerki howa uçuşy mahaly özüni birdenkä erbet duýdy. Mundan birnäçe gün soň, Nawalny aýalynyň haýyşy esasynda Germaniýa ewakuasiýa edildi. Читать дальше...

Özbegistanda ýurduň raýatlygyny almagy ýeňilleşdirmegi maksat edinýän raýatlyk baradaky kanunçylyga girizilen goşmaçalar 15-nji sentýabrda güýje girdi. Prezident Şakwat Mirziýoýew tarapyndan 13-nji sentýabrda gol goýlan karara laýyklykda, Özbegistanda doglan, emma özbek raýatlygy bolmaýan ýurduň daşynda ýaşaýan adamlar, ozalky düzgünlerden tapawutlylykda, ýagny Özbegistanda azyndan bäş ýyl ýaşamak şertini berjaý etmezden raýatlyga ýüz tutup bilerler. Şeýle-de, 1995-nji ýylyň 1-nji ýanwaryndan ozal Özbegistana girip... Читать дальше...

Birleşen Ştatlar Hytaýyň Şinjiang sebitinde mejbury adam zähmetiniň ulanylmagy bilen öndürilmekde güman edilýän önümleriň, şol sanda pagtanyň, egin-eşikleriň, kompýuter enjamlarynyň we saç serişdeleriniň importyny gadagan edýän karary kabul etdi. ABŞ-nyň döwlet sekretary Maýk Pompeonyň (Mike Pompeo) sözlerine görä, bu Birleşen Ştatlaryň Gümrük we Serhet gorag gullugyna mejbury zähmet ýa-da tussaglaryň zähmeti bilen öndürilen önümleriň ABŞ-a girmeginiň öňüni almak maksady bilen, olary ele geçirmegine ygtyýar berýär. Читать дальше...

ABŞ-nyň prezidenti Donald Tramp Eýran tarapyndan ediljek islendik hüjüme has uly gaýtawul bilen jogap beriljekdigini duýdurdy. Bu Tähranyň eýranly general Kasem Soleýmaniniň öldürilmegine jogap edip, ABŞ-nyň diplomatynyň janyna kast etmegi meýilleşdirýändigi baradaky habarlaryň arasyna gabat geldi. Eýranyň ABŞ-a garşy etjek islendik görnüşdäki hüjümine “Eýrana garşy 1,000 esse uly gaýtawul bilen hüjüm ediler” diýip, Tramp 14-nji sentýabrda özüniň Twitter hasabynda ýazgy galdyrdy. Eýranyň Yslam... Читать дальше...

ABŞ-nyň 13 senatory Belarusdaky parahat protestleri basyp ýatyrmakdaky orunlary üçin belarus resmilerine garşy sanksiýalary göz öňünde tutýan rezolýusiýany hödürlediler. Senatyň Daşary gatnaşyklar boýunça komitetiniň başlygy respublikançy senator Jim Riş (Jim Risch) 14-nji sentýabrda çykyş edip, Belarusdaky oppozisiýa garşy dowam etdirilýän repressiýalary “ynsapsyzlyk” diýip atlandyrdy. Rezolýusiýada Belarusda 9-njy sentýabrda geçirilen saýlawlaryň “ne adalatly, ne-de açyk bolandygy” nygtalýar. Читать дальше...

Täjigistanyň Hatlon welaýatyndaky Kuşoniýon raýonynyň Oholtun obasyndaky Oriýon mähellesinden bolan 30 ýaşly aýal özüniň kiçi ýaşly dört çagasyny bogup öldürdi. Bu heläkçilikli ýagdaý 9-njy sentýabryň günortanynda ýüze çykypdyr. Ýüze çykan hadysa barada Täjigistanyň Içeri işler ministrligi 11-nji sentýabrda resmi maglumat ýaýratdy. «2020-nji ýylyň 9-njy sentýabrynda sagat 13:00 töwerekleri Kuşoniýon raýonynyň 30 ýaşyndaky ýaşaýjysy öz öýünde 9, 8, 6 hem 1 ýaşly dört çagasynyň ellerini hem aýaklaryny baglapdyr-da... Читать дальше...