Новости за 13.01.2023

Zähmet migrantlarynyň ‘soňy gelmeýän’ kynçylyklary we bozulýan maşgalalar baradaky gepleşiklerimizi diňläp, öz pikir-garaýyşlaryňyzy aýtmaga çagyrýarys. Eger-de gepleşige ‘laýk’ goýsaňyz we ony paýlaşsaňyz, Türkmenistanda ýapyk saklanylýan meseleleriň has köp adama ýetmegine we çözülmegine kömek ederdiňiz.

Dünýä Türkmenleriniň bu sany sungat söhbetdeşligine gönükdirilýär. Gepleşigimize Pragada ýaşaýan türkmen ýazyjysy we synçy Hudaýberdi Hally gatnaşýar.

Türkmenabat şäheri prezidentiň saparyna taýýarlyk görýär. Serdar Berdymuhamedowyň gündogar welaýata barjagy barada resmi maglumat berilmedik hem bolsa, ýerli häkimiýetler ilatyň gatnaşmagynda ýowar gurnap, şäheri timarlamak, bezemek bilen meşgullanýarlar. Ýowara gatnaşýan adamlara aýdylyşyna görä, prezidentiň Lebaba 20-ji we 30-njy ýanwar aralygynda gelmegine garaşylýar. Şu sebäpden Türkmenabadyň aeroportdan gaýdýan köçe we onuň töwerekleri timarlanýar. Bu barada Azatlygyň habarçysy 12-nji ýawrada şeýle maglumat berdi... Читать дальше...

Türkmenabat şäher häkimliginiň resmileri üstümizdäki ýylyň dowamynda geçiriljek köpçülik çärelerine býujet işgärleriniň gatnaşmagynyň tertibi bilen bagly käbir täze üýtgetmeleri yglan edýärler. Edara-kärhanalaryň ýolbaşçylaryna köpçülik çärelerine äýnekli we saýawanly gatnaşmak gadagan edilýär. Şeýle-de, mundan beýläk, çärelere diňe 40 ýaşa ýetmedik zenanlaryň gatnaşmalydygy nygtalýar. Häkimiýetler beýleki käbir ugurlar bilen bir hatarda ýene bir gezek “aýal-gyzlara gözegçilik meselelerine” ünsi çekýärler. Читать дальше...

Türkmenistanda adatdan daşary güýçli aýazly howa dowam edýär. Ýurduň käbir sebitlerinde howanyň temperaturasy rekord derejelere çenli aşaklady. Mary we Lebap welaýatlarynda ýyladyş, gaz we elektrik üpjünçiligi juda pes, ilat ýylynmakda kynçylyk çekýär. Köp obalarda ilat odun ýakyp ýylynýar. Aýazly howa orta mekdeplerde okuwlaryň näresmi ýatyrylmagyna, jemgyýetçilik transport serişdeleriniň üpjünçiliginiň bökdemegine hem getirdi. Bu ýagdaýlar barada Azatlyk Radiosynyň habarçylary 13-nji ýanwarda ýurduň dürli sebitlerinden maglumat berdiler. Читать дальше...

Türkmen režimi ýene-de häkimiýet gurluşygy reformirlemek niýetini yglan etdi, bu bolsa, synçylaryň we Azatlygyň çeşmeleriniň pikiriçe, ýurt başyndaky Berdimuhamedow klanyna häkimiýeti tutuşlygyna öz elinde jemlemäge mümkinçilik berer. Azatlyk Radiosy planlaşdyrylýan üýtgetmeler we olaryň berip biljek netijeleri barada düşündiriş sorap, aşgabatly syýasy bilermen we publisist Kumuş Baýryýewa ýüzlendi. Döwlet gurluşynyň we dolandyryş görnüşiniň iş ýüzünde we kanun esasda üýtgemegini başdan geçirýändigimize hiç kimde şübhe ýok. Читать дальше...

26-njy martda Türkmenistanda Mejlisiň ýedinji çagyrylyşynyň deputatlarynyň, welaýat, etrap we şäher halk maslahatlarynyň bäşinji çagyrylyşynyň agzalarynyň, Geňeşleriň dokuzynjy çagyrylyşynyň agzalarynyň saýlawlary geçiriler diýip, türkmen metbugaty habar berýär. Milli geňeşiň Mejlisiniň 12-nji ýanwarda kabul eden karary “döwlet häkimiýetiniň wekilçilikli edaralarynyň, ýerli öz-özüňi dolandyryş edaralarynyň işini döwrüň talaplaryna laýyklykda guramak”, “saýlaw kanunçylygynyň kadalaryny berjaý etmek” bilen düşündirlýär. Читать дальше...

Gürjüstanyň pasporty “Henley & Partners” kompaniýasynyň ýyllyk reýtinginde, pasportlaryň özüne çekijiligi baradaky görkezijide eýeleýän ornuny ýokarlandyryp, 50-nji orna çykdy. Türkmenistanyň pasporty bu reýtingde 90-njy orunda durýar. Mundan öň türkmen pasportynyň eýeleriniň 13 ýurda wizasyz baryp bilýändigi habar berlipdi. Gürjüstanyň pasporty geçen ýyldan bäri geçen döwürde reýtingde iki setir ýokary galdy. Şol bir wagtda, bu ýurduň pasportyny göterýän adamlaryň wizasyz baryp bilýän ýurtlarynyň sany öňküligine, 116 bolmagynda galýar. Читать дальше...

Daşkent häkimligi, adatdan daşary sowuk howa sebäpli, paýtagtyň banket zallarynda ilata mugt palaw hödürlemäge başlady diýip, paýtagt administrasiýasynyň metbugat gullugy habar berdi. Mugt palaw 12-16-njy ýanwar aralygynda berler we düýn özbek paýtagtynyň bäş banket zalynda ilata mugt palaw berildi. Häkimligiň Telegram kanaly palaw bişirilýän banket zallarynyň sanawyny çap edip, palawyň beriljek sagatlaryny habar berdi. Habarda aýylmagyna görä, palaw ilatyň eli ýuka bölegine, jemgyýetçilik... Читать дальше...