Новости за 15.08.2023

Türkmenistanda aşa yssy howa sebäpli iri şäherleriň, şol sanda welaýat merkezleriniň käbir gara ýollary eräp, ulagy tas sürüp bolmaýan hala geldi. Ýerli hünärmenler bu ýagdaýlaryň, howa şertleri bilen birlikde, ýollaryň gurluşygyna gerekli serişdeleriň ýeterlik goýberilmeýändigi bilen hem baglydygyny aýdýarlar. Lebapdaky habarçymyz welaýatyň merkezi Türkmenabat şäherindäki ýollaryň häzirki ýagdaýy barada maglumat berdi.

Aşgabat Moskwanyň Merkezi Aziýa – Hytaý gaz geçirijisiniň üsti bilen rus gazynyň eksportyny artdyrmak meýillerine alada bildirýär. Türkmen resmisiniň munuň bilen bagly ozal görlüp-eşidilmedik bellikleri 12-nji awgustda Türkmenistanyň Daşary işler ministrliginiň websaýtynda çap edildi.

Bazarda aýlanyp ýören dürli ýaşdaky çagalary ýurduň hemme ýerinde görüp bolýar. Tomus aýynyň ahyrynda olaryň sany hasam köpelýär. Soňky günlerde bolsa, Türkmenabadyň bazarlarynda täze bir ýagdaý peýda boldy - ýetginjekler köpçülikleýin üzärlik tütedýärler. Ýetginjekler bazaryň ähli ýelerinde aýlanyp, gurak oty tusseledýärler. Azatlygyň ýerli habarçysy çagalaryň edýän bu işi bilen gyzyklandy.

Mary welaýatynyň Ýolöten etrabynyň Momataý geňeşliginde köp sanly hojalyklaryň howly jaýlaryny sary garynja basýar. Ýerli ýaşaýjylar garynja howpuna garşy özleriniň çäresiz, häkimiýetlerden edýän ýardam haýyşlarynyň bolsa, jogapsyz galýandygyny aýdýarlar. “Öten agşam çagalar bilen howly jaýymyzdaky otaglaryň birinde agşamlyk edinip otyrkak, birdenkä agaç polumyz döwlüp, aşak çökdi. Meniň polluk agajym galyň, döwülmeli agaç däl. Nädip beýle bolandygyna düşünmek üçin, ýerzemine düşüp, barlap görsem, polumyň aşak ýüzi palçyk bilen suwalypdyr. Читать дальше...

Türkmenistan Hazarüsti gaz geçiriji taslamasyny ýene gün tertibine getirip, bu ugurda ýewropaly hyzmatdaşlar bilen özara gatnaşygy dowam etdirmäge taýýardygyny aýtdy.

Paýtagtyň awtoulag ýuwulýan kärhanalarynyň biriniň işgäri elektrik togundan heläk boldy. Pajygaly ýagdaý 30-njy mikroraýonda ýüze çykdy. Azatlyk Radiosynyň habarçysy bu ýagdaýyň jikme-jikliklerini anyklady.     Bu betbagtçylyk 4-nji awgustda awtoulag ýuwýan kärhananyň işgäriniň müşderiniň transport serişdesini arassalan pursatynda ýüze çykdy. Habarçynyň sözlerine görä, ýigrimi iki ýaşly adam agyr azapda ölüpdir. "Ol ýene bir maşyny ýuwup gutardy we onuň tigirlerini gaýtadan has gowurak süpürmek üçin aýakýalaňaç boksa girdi. Читать дальше...

Türkmenistanda onkologiýa kesellerini bejerýän hassahanalardaky hyzmatlaryň hili köp raýaty kanagatlandyrmaýar. Olardaky enjamlar kadaly işlemeýär. Dermanlar we medisina serişdeleri ýetmezçilik edýär. Bu ýagdaýlar barada näsaglaryň we olaryň hossarlarynyň ençemesi Azatlyk Radiosynyň Aşgabatdaky habarçysyna gürrüň berdi.

Türkmenistandan daşary ýurtlara, esasan hem Türkiýä gitmek üçin wiza almak isleýän raýatlar ýene-de goşmaça çäklendiriji talaplar bilen ýüzbe-ýüz boldular. Dilden mälim edilýän täze düzgüne laýyklykda, indi daşary ýurda gitjek raýatyň yzyna dolanyp geljekdigine kepil bolmaly döwlet işgäriniň bankda karzy bolmaly däl. Habarçylarymyz agyr ykdysady krizisiň arasynda bankdan karz almadyk býujet işgärleriniň juda azdygyna ünsi çekýärler.

Şu ýyl 2300 töweregi türkmenistanly mukaddes Mekge şäherinde haj parzyny berjaý etdi. Ybadat mahaly aradan çykan bir türkmen zyýaratçysynyň jesedi Saud Arabystanynda galdyryldy. “Mary welaýatyndan bolan bir ýaşaýjy haj parzyny berjaý edýän mahaly, Şeýtan daşlama çäresinde dyknyşyk zerarly aradan çykypdyr. Onuň jesedi Saud Arabystanynda galdy” diýip, Azatlyk Radiosynyň Ahal welaýatyndaky çeşmesi habar berdi. Türkmenistanly zyýaratçylar mukaddes Mekge şäherine ugramazdan ozal, saglyk barlagyndan... Читать дальше...

Tomsuň yssysynda Türkmenistanyň dürli şäherleriniň ýaşaýjylary uzak wagtlap suwsuz galýarlar. Soňky günlerde ýaşaýyş jaýlarynda suw üpjünçiliginiň uzak wagtlap kesilmegini Hazar deňziniň kenaryndaky Türkmenbaşy şäheriniň ýaşaýjylary başdan geçirýärler.

Balkanyň häkimiýetleri Balkanabat şäherinde köpçülikleýin çäreleriň ýene birini geçirmäge taýýarlanýar. Taýýarlyklara zenan býujet we sungat işgärleri mejbury gatnaşdyrylyp, çärede prezidentiň ejesi Ogulgerek Berdimuhamedowanyň we enesi Ogulabat ejäniň propagandasyny etmäge taýýarlyk görülýär.

Gyrgyzystanda gyzamyk keseliniň ýaýramagy netijesinde soňky alty aýyň içinde 3 we 1 ýaşly iki çaga öldi diýip, resmiler 14-nji awgustda aýtdylar. Iki ölüm hem çagalaryň ene-atalarynyň dini ynançlar esasynda sanjymlardan ýüz öwürmegi bilen bagly boldy diýip, resmiler aýtdy. Saglygy goraýyş ministrligi şu ýyl bu kesel bilen kesellän çagalaryň jemi 1,704 sanysynyň tassyklanandygyny habar berdi. Gyzymyk bilen keselleýänleriň sanynyň sebitiň beýleki ýurtlarynda hem köpelýändigi aýdylýar. Russiýada 5000-den gowrak... Читать дальше...

Prezident Serdar Berdimuhamedow 14-nji awgustda BMG-niň Baş sekretarynyň ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy wezipesine täze bellenen Kaha Imnadzeni kabul etdi. Habarda anyklaşdyrylman aýdylmagyna görä, duşuşygyň dowamynda öňüni alyş diplomatiýasyny ilerletmek boýunça netijeli işleriň alnyp barlandygy, hyzmatdaşlygyň täze görnüşleriniň döredilendigi we anyk maksatnamalaryň durmuşa geçirilendigi nygtaldy. Serdar Berdimuhamedow... Читать дальше...

Türkmenistanyň hökümet başlygynyň orunbasary, daşary işler ministri Raşid Meredow “Hazar deňzi - parahatçylyk we dostluk deňzi” maslahatynda eden çykyşynda Hazar deňzi bilen bagly aladalary bölekleýin boýun aldy. Azatlyk radiosy bilen söhbetdeş bolan synçylar we tebigaty goraýjy aktiwistler Türkmenistandaky daşky gurşaw meselelerine, şol sanda pagtaçylykda suwuň bisarpa ulanylmagyna, ýerleriň şorladylmagyna öňden bäri ünsi çekip gelýärler. Resmi Aşgabat bu meseleleri açyk-aýdyň tassyklamaýar. Türkmen... Читать дальше...

Gazak häkimiýetleri Özbegistana ekstradisiýa edilmek bilen ýüzbe-ýüz bolýan garagalpak aktiwistlerine gaçybatalga bermekden ýüz öwürdiler. Aktiwistleriň tarapdarlary bu iki adamyň geçen ýyl Özbegistanyň Garagalpak awtonom respublikasynda bolan köpçülikleýin protestler bilen baglylykda, syýasy sebäpler esasynda kazyýet jogapkärçiligine çekiljekdigini we gynamalara sezewar ediljekdigini aýdýarlar. Gazagystanda ýaşaýan garagalpak aktiwisti Akylbek Muratbaý 14-nji awgustda ozal twitter diýip bilinýän... Читать дальше...

Russiýanyň Dagystan sebitiniň Mahaçkala şäherindäki benzin stansiýasynda bolan güýçli partlamada azyndan 35 adam öldi. Dagystanyň Saglygy goraýyş ministrligi partlamada ölenleriň arasynda azyndan üç çaganyň hem bardygyny, azyndan 80 adamyň ýaralanandygyny aýtdy. 14-nji awgustda bolan partlamanyň sebäbi derňelýär. Şaýatlaryň wideosyndan görnüşine görä, ýangyç guýulýan stansiýada bolan güýçli partlamadan öň ýangyn döräpdir.