Новости за 14.08.2023

Bazarda aýlanyp ýören dürli ýaşdaky çagalary ýurduň hemme ýerinde görüp bolýar. Tomus aýynyň ahyrynda olaryň sany hasam köpelýär. Soňky günlerde bolsa, Türkmenabadyň bazarlarynda täze bir ýagdaý peýda boldy - ýetginjekler köpçülikleýin üzärlik tütedýärler. Ýetginjekler bazaryň ähli ýelerinde aýlanyp, gurak oty tusseledýärler. Azatlygyň ýerli habarçysy çagalaryň edýän bu işi bilen gyzyklandy. Howanyň kyrk gradusa çeni gyzýan wagtynda yssyda ellerinde tusseleýän üzärligi göterip ýören okuwçylaryň köpüsi 10-14 ýaş aralygyndaky oglan çagalar. Читать дальше...

Tomsuň yssy günlerinde Türkmenistanyň dürli sebitlerinde ilatyň suw we elektrik üpjünçiligindäki problemalary dowam edýän mahaly, Marynyň häkimiýetleri sebitdäki suw çüwdürimleriniň aglabasynyň işini togtatdy. Mary şäher häkimliginiň birnäçe işgäri bu çäräni “häkimiýetleriň suw we elektrik tygşytlamak tagallalary bilen” düşündirýär.

Türkmenistanda aşa yssy howa sebäpli iri şäherleriň, şol sanda welaýat merkezleriniň käbir gara ýollary eräp, ulagy tas sürüp bolmaýan hala geldi. Ýerli hünärmenler bu ýagdaýlaryň, howa şertleri bilen birlikde, ýollaryň gurluşygyna gerekli serişdeleriň ýeterlik goýberilmeýändigi bilen hem baglydygyny aýdýarlar. Lebapdaky habarçymyz welaýatyň merkezi Türkmenabat şäherindäki ýollaryň häzirki ýagdaýy barada maglumat berdi. “Yssyda Türkmenabadyň günortasyndaky uly ýol eräp, maýyşgak bir ýagdaýa geldi. Читать дальше...

Türkmenbaşyly pensionerler we býujet işgärleri bir hepde bäri bank kartlaryndan pul çekip bilmeýärler. Şäheriň bankomatlarynda nagt pul ýene-de ýetmezçilik edýär.

Türkmenistanyň ýurda getirilmäge degişli spirtli önümleriň goşmaça salgydyny artdyrmagynyň yzy bilen, söwda tekjelerinde has gymmatlan daşary ýurtly araklaryň we çakyrlaryň görnüşleri hem azaldy. Muňa garamazdan, agyr ykdysady krizisiň arasynda alkogol içgileri dükanlarda iň geçginli harytlaryň hatarynda galýar. Ýöne raýatlaryň, aradaky baha tapawudy sebäpli, has köp ýykgyn edip başlan ýerli alkogol önümleriniň hiliniň ýaramazdygy bellenilýär.

Türkmenistanda howanyň temperaturasy gündizlerine 40 gradusdan aşýan we gijelerine 30 gradusa ýetýän mahaly, ilatyň elektrik üpjünçiligindäki problemalar ýitileşýär. Aşgabatda tok yzygiderli kesilýär. Häkimiýetler köp gatly jaýlara gezekli-gezegine tok bermek arkaly, elektrik üpjünçiligindäki problemany çözmäge we ilaty köşeşdirmäge çalyşýarlar.

"Türkmenistan" awiakompaniýasynyň Moskwa uçar gatnawlary ýatyrylansoň, Russiýanyň awiakompaniýasynyň biletleriniň bahalary ýokarlandy. "S7" awiakompaniýasynyň uçarlary häzir Aşgabatdan Moskwa göni barmaga ýeke-täk mümkinçilik berýär. "Türkmenistan" howa ýollarynyň uçarlary şu aýyň başyndan bäri diňe Gazana baryp gaýdýar.

Marynyň häkimiýetleri beýleki welaýatlardan gelip, hususy awtoulagynda kireý edýän raýatlary öz ýaşaýan sebitlerine iberýärler. Munuň bilen bir wagtda, Marynyň döwlet belgisine eýe bolan awtoulaglaryň hem welaýatdan çykmagyna rugsat berilmeýär. Bu ýagdaý, ilatyň sebitara hereketini ýiti çäklendirýär. Kanun goraýjylar we polisiýa işgärleri bu çäreleriň sebäbini howpsuzlyk bilen düşündirýärler.

Ermenistanda 14-nji awgust güni irden bolan ýol hadysasynda, üsti ýolagçyly mikroawtobus bilen ýük awtoulagynyň çakyşmagy netijesinde 11 adam ölüp, dokuz adam ýaralandy. Azatlyk Radiosynyň Ermeni gullugy bilen habarlaşan lukmanlar ýaralananlaryň bäşisiniň ýagdaýynyň agyrdygyny aýtdylar. Heläkçilikli awtoulag çaknyşygy Ýerewanyň 85 km demirgazyk-gündogarynda ýerleşýän Ýerewan-Gýumri awtoulag ýolunda boldy. Pidalaryň garyndaşlarynyň habar bermegine görä, mikroawtobusyň ýolagçylary Türkiýeden Ermenistana gaýdyp gelýän eken. Читать дальше...

Hytaýyň goranmak ministri Li Şangfu 14-19-njy awgust aralygynda Russiýa we Belarusa sapar eder. Li Russiýada bolanda halkara howpsuzlyk ýygnagyna gatnaşar we ol ýerde söz sözlär diýip, birinji gün çap edilen beýanatda aýdylýar. Şeýle-de, hytaýly resmi Russiýanyň milli goranmak ministrliginiň ýolbaşçylary bilen duşuşar. Li Belarusa baranda bu ýurduň döwlet we harby ýolbaşçylary bilen duşuşar, Belarusyň harby bölümlerine baryp görer.

Eýranly žurnalist Nazila Marofian 13-nji awgustda, girew goýlanyndan soň, Tähranyň Ewin türmesinden wagtlaýyn boşadylandygyny aýtdy we biraz soň sosial ulgamlarda "sen iň gowy zatlara mynasyp, şu sebäpden gulçulygy kabul etme" diýip ýazdy. Marofian 2022-nji ýylyň 29-njy noýabrynda, 22 ýaşly Mahsa Amininiň kakasy Amjad Amini bilen geçiren söhbetdeşligini çap edeninden soň tussag edildi. 2022-nji ýylyň sentýabr aýynda ölen ýaş gyzyň ölümi tutuş ýurtda protest çäreleriniň guralmagyna alyp geldi. ... Читать дальше...