Новости за 01.09.2023

Azatlyk Radiosynyň habarçysy Lebap welaýatynda soňky wagtlarda biometriki pasporta ýüz tutýan birnäçe raýata salgylanyp, pasportlar resmileşdirilende Sowetler döwründe berlen rus dilli Dogluş şahadatnamalarynyň kabul edilmeýändigini we olaryň täzelenilmeginiň talap edilýändigini habar berdi.

Türkmenistanda awtoulag ýangyjynyň gytçylygy ýene güýçlendi. Türkmenistanyň nebiti gaýtadan işleýän iri kärganalaryň ýerleşýän regionynda Balkan welaýatynda dörän bu ýagdaý barada Azatlygyň ýerli habarçylary 1-nji sentýabrda habar berdiler. Şü günler Türkmenbaşyda, Balkanabatda we Gyzylarbatda benzin beketlerinde awtoulag ýangyjy tas ýok diýen ýaly. Munuň bilen bir wagtda benzin guýýan stansiýalarynda ýüzläp awtoulaglar nobatlary emele geldi. Balkan welaýatyndaky habarçymyz soňky aýda ýüze çykan... Читать дальше...

Aşgabadyň döwlet dükanlarynda ilata ýeňillikli bahadan satylýan un gaýtadan peýda boldy. Ýöne paýtagtlylar unuň ýanyndan ýaramlylyk möhleti geçen önümi satyn almaga mejbur edilýärler.

Türkmenistanyň bilim we terbiýeçilik edaralarynda 1-nji sentýabrda täze 2023-2024-nji okuw ýyly başlandy. Balkan we Mary welaýatlarynyň orta mekdepleriniň ençemesinde şu ýyl 1-nji synpa baran okuwçylaryň sany görnetin az boldy. Bilim resmileri başlangyç synplar üçin göz öňünde tutulan synplaryň sanyny kemeldip, klaslary birleşdirmegi maslahat edýärler. Mugallymlar synplar kemeldilse, iş sagatlarynyň hem azaljakdygyny aýdyp, bu ýagdaýa özbaşdak çykalga tapmaga çalyşýarlar. “Geçen ýyllarda başlangyç... Читать дальше...

Prezident Kasym-Žomart Tokaýew ýurduň daşky gurşawyna zyýan ýetirmegi baradaky aladalaryň arasynda, kölüň kenarynda gurulmakçy bolýan gapma-garşylykly ýadro desgasy, ýurduň ilkinji ýadro elektrik stansiýasy boýunça referendum geçiriljekdigini aýtdy. "Ýadro elektrik stansiýasyny gurmak ýa-da gurmazlyk meselesi biziň ýurdumyzyň geljegi üçin gaty möhüm mesele. Şol sebäpden men bu mesele milli referendum arkaly çözülmeli diýip pikir edýärin. Onuň takyk senesini soň kesgitläris" diýip, Tokaýew 1-nji sentýabrda parlament agzalaryna ýüzlenip aýtdy. Читать дальше...

Ermenistan we Azerbaýjan 1-nji sentýabrda serhediň iki tarapyndan hem ýygjam top atylmagy netijesinde pida bolanlaryň bardygyny habar berdi. Ermenistanyň Goranmak ministrligi Sotk şäheriniň golaýynda bolan "güýçli atyşykda" iki esgeriniň ölendigini, bir esgeriniň ýaralanandygyny habar berdi. Şu aralykda Azerbaýjan ermeni güýçlerini bu sebite ot açmakda günäkärledi we bir azerbaýjan esgeriniň ýaralanandygyny aýtdy.

Şu ýylyň ýanwar-iýun aýlarynda Azerbaýjanyň Türkmenistandan edýän tebigy gaz importy, geçen ýylyň degişli döwri bilen deňeşdirilende, 2,5 esse köpeldi diýip, “Trend” neşiri Azerbaýjanyň döwlet statistikasyna salgylanyp habar berýär. Azerbaýjan alty aýda Türkmenistandan umumy bahasy 109,18 million dollar bolan 732,2 million kub metr gaz import etdi diýip, habarda aýdylýar. Azerbaýjan geçen ýylyň ýanwar-iýun aýlarynda Türkmenistandan 292,85 million kub metrden gowrak tebigy gaz import edip, oňa 31,8 million dollardan gowrak çykdajy edipdir. Читать дальше...

BMG-niň Howpsuzlyk Geňeşi "Yslam döwleti" toparynyň “Horasan” ganatynyň (Täjigistanda gadagan edilen) işlerine alada bildirýär hem-de "Horasan" toparyny "häzir Owganystanda we goňşy Merkezi Aziýa ýurtlarynda iň agyr terror howpunyň biri" hasaplaýar. BMG-niň Howpsuzlyk Geňeşiniň YD-niň döredýän howpy barada beren hasabatynda, bu toparyň (olaryň maşgala agzalary bilen bilelikde) jeňçileriniň sanynyň 4 müňden 6 müňe çenli adama barabardygy aýdylýar. "Horasanyň sesi" neşiri puştu, pars, täjik, özbek we rus dillerinde... Читать дальше...

“Türkmen howaýollary” ulanylan uçarlaryň bazaryndan iki sany Boeing 777-300ER uçaryny satyn aldy diýip, “Türkmenistanyň Hronikasy” Gollandiýanyň konsalting kompaniýasyna, söwdada araçylyk eden SGI Awiasiýa salgylanyp habar berdi. “Planespotters” web sahypasynyň maglumatyna görä, 11 ýyl ulanylan uçarlar ozal Hoňkoňda ýerleşýän “Cathay Pacific” uçar kompaniýasyna degişli bolup, başda ýolagçy uçary bolan bolsa, 2019-20-nji ýyllarda ýük daşamak üçin üýtgedilip gurlupdyr. Habarda “Flightradar24” neşrine salgylanyp habar berilmegine görä... Читать дальше...

Täjigistanyň prezidenti Emomali Rahmon Türkmenistanyň Halk maslahatynyň başlygy Gurbanguly Berdimuhamedowy Merkezi Aziýa ýurtlarynyň döwlet Baştutanlarynyň şu ýylyň 14-nji sentýabrynda Duşenbe şäherinde geçiriljek duşuşygyna gatnaşmaga çagyrdy. TDH Rahmonyň Türkmenistanyň öňki prezidentiniň adyna ýollan hatyny 30-njy awgustda çap etdi. Hatyň başynda Rahmon şu ýylyň awgust aýynda Aşgabatda bolanda özüne görkezilen myhmansöýerlik üçin hoşallyk bildirip, türkmen paýtagtynda geçirilen üçtaraplaýyn... Читать дальше...

Türkmenistanyň Döwlet migrasiýa gullugy biometriki pasporta ýüz tutulanda soralýan resminamalara täze üýtgetmeleri girizdi. Täze düzgüne laýyklykda, Türkmenistanyň raýatynyň ýurtdan çykmak we ýurda girmek üçin daşary ýurt pasporty resmileşdirilende Sowetler döwründe berlen Dogluş hakynda şahadatnamalary kabul edilmeýär. Azatlyk Radiosynyň habarçysy Lebap welaýatynda soňky wagtlarda biometriki pasporta ýüz tutýan birnäçe raýata salgylanyp, pasportlar resmileşdirilende Sowetler döwründe berlen rus... Читать дальше...