Gyrgyz gümrükçileri Türkmenistandan gaçak getirilen pomidoryň üstüni açdylar
Demirgazyk-gündogar gümrük gullugynyň işgärleri 60 tonna golaý bikanun harydy tutup saklady diýip, Gyrgyzystanyň Akipress.com neşiri habar berýär.
Habarda aýdylmagyna görä, Türkmenistandan Gyrgyzystana 40,000 kilo täze ýetişen pomidor iberilip, ýetirilen zyýan 632,732 soma barabar boldy.
Türkmenistandan iberilen 19,600 kilo täze pomidor bolsa, jarnamada görkezilmändir. Bu pomidor ýüküniň bahasynyň 15,660 dollar bolandygy aýdylýar.
Tölenmeli gümrük tölegleri, jerimesi goşulmanynda, 316,733 soma barabar bolupdyr.