Новости за 27.07.2023

Lebap welaýatynyň edara-kärhanalarynda işgärleri köpçülikleýin zähmet rugsadyna ibermek dowam edýän mahaly, býujetçiler mejbury talaplaryň ýene biri bilen ýüzbe-ýüz bolýarlar. Edara-kärhanalaryň ýolbaşçylary iýul we awgust aýlaryndaky zähmet dynç alyşlaryny öňümizdäki aýlara geçirmek isleýän işgärleriň haýyşlaryny kanagatlandyrmaýarlar. Ýolbaşçylar munuň sebäbini sentýabr aýynda pagta ýygymy möwsüminiň başlanýandygy bilen düşündirýärler. Bu ýagdaýlar barada Azatlyk Radiosynyň habarçysy we çeşmesi 26-njy iýulda sebitden maglumat berdi.

2022-nji ýylda Türkiýeden göçüp giden daşary ýurtlularyň 4,8%-ni türkmenistanlylar emele getirýär diýip, DHA (Demirören habar agentligi) neşiri Türkiýäniň Statistika institutyna salgylanyp, 24-nji iýulda habar berdi. “Geçen ýyl Türkiýeden daşary ýurda göçüp gidenleriň sany 2021-nji ýyl bilen deňeşdirilende 62,3% artyp, 466 müň 914 adama deň boldy. Olaryň 139 müň 531-si türk raýaty, 327 müň 383-si daşary ýurt raýatydyr” diýip, habarda aýdylýar. Türkiýeden göçüp giden daşary ýurt raýatlarynyň arasynda... Читать дальше...

Täze okuw ýylynyň golaýlamagy bilen mekdep eşiklerini we okuw esbaplaryny edinmegiň ähmiýeti artýar. Bu döwürde ene-atalaryň köpüsinde öz çagalarynyň mekdebe taýýarlygyny berjaý etmek aladasy artýar. Käbir ene-atalar üçin çagalaryny mekdebe taýýarlamak uly synaga, käwagt bolsa agyr meselä öwrülýär. Işsizlik we bahalaryň ýokarlanmagy zerarly käbir maşgalalar çagalary üçin zerur zatlary satyn alyp bilmeýärler. Käbir maşgalalarda birnäçe çaga okuwa gatnaýar. Azatlygyň habarçylarynyň maglumatlaryna görä... Читать дальше...

Ýurduň orta mekdeplerinde alty ýaşly çagalar okuwa ýazylýar. Munuň bilen baglylykda Lebap welaýatyda şu günler mekdep mugallymlary bu ýaş kategoriýasyndaky çagalary mekdebe ýazdyrmak üçin öýme-öý aýlanýarlar.

Balkan welaýatynyň aýal-gyzlarynda medisina barlagy geçirilýär. 18 ýaşyny dolduran aýal-gyzlaryň ählisinde geçirilýän mejbury barlaglarda onkologiýa kesellerini anyklamak boýunça derňewler geçirilýär. Ýerli lukmanlar hökümet meýilnamasyna salgylanyp, barlaglaryň geçirilmegine Türkmenistanda aýal-gyzlaryň arasynda onkologiýa keseliniň ähli görnüşleriniň aşa köpelmeginiň sebäp bolýandygyny aýdýarlar.

Hazar deňziniň kenarynda ýerleşýän Balkan welaýatynyň Türkmenbaşy şäheriniň bazarlarynda balyklaryň bahasy gymmatlady. Ýurtda dowam edýän ykdysady kynçylyklaryň arasynda ilatyň maliýe ýagdaýynyň yzygiderli peselmegi bilen, balkanlylaryň ençemesi balyk önümlerini özleriniň hepdelik iýmitine goşup bilmeýändigini aýdýar. Azatlyk Radiosynyň sebitdäki habarçysy häzir käbir balyklaryň bahalarynyň, geçen ýylyň degişli döwri bilen deňeşdirilende, iki-üç esse ýokarlanandygyny habar berýär. “Şäheriň ‘Kenar’... Читать дальше...

Lebap welaýatynda 26-njy iýulda howanyň temperaturasy gündiz 46 gradusa ýetdi. Sebitde dowam edýän yssy howa energetika desgalaryna agram salýar, saglyk şikaýatlary bilen ýerli hassahanalara ýüz tutýan adamlar köpelýär. Bazarlardaky gök-bakja önümleri yssy howada zaýalanýar. Azatlyk Radiosynyň habarçysy bir gün ozal gündiz 46 gradusa ýeten howanyň temperaturasynyň 27-nji iýula geçilen gije 32 gradusa, irden sagat 6:00 töwereklerinde bolsa, 30 gradusa düşendigini habar berdi. Howa gündizlerine gyzýar... Читать дальше...

Nigeriň harbylar topary milli telewideniýede prezident Muhammet Bazumyň häkimiýetden çetleşdirilendigini, serhetleriň ýapylandygyny we komendant sagadynyň girizilendigini habar berdi. Bu habary "Roýters" çap etdi. Nigeriň prezident gwardiýasy biraz öň döwlet baştutany Muhammet Bazumy öz ýaşaýan jaýyna gabady. Prezident edarasy ilki pitneçileri ne goşunyň, ne-de Milli gwardiýanyň goldaýandygy aýtdy. Emma birnäçe sagatdan soň Bazumyň wezipesinden çetleşdirilendigi baradaky habarlar peýda boldy. ... Читать дальше...

Gazagystanyň iň uly şäheri Almatyda geçen ýyl bolan gozgalaň wagtynda öldürilen 4 ýaşly çaganyň işine dahylly diýlip güman edilýän adamyň ýokary derejeli kazyýet işi başlandy. Aýkorkem Meldekhan Almatyda, resmi derňewlere yşarat etmegine görä, harby işgärler tarapyndan atylyp öldürildi. Ol 2022-nji ýylyň 7-nji ýanwarynda öz maşgala agzalary bilen awtoulagly azyk dükanyna barýan wagtynda öldürildi. awtoulaga azyndan 20 ok atyldy we netijede Aýkorkemiň 15 ýaşly aýal dogany hem ýaralandy. Kazyýet-derňew... Читать дальше...

Şu ýyl Özbegistanda hemişelik ýaşaýanlaryň sany ortaça günde 1900 adam möçberinde köpelýär diýip, statistika gullugy 26-njy iýulda habar berdi. Resmi maglumatlara görä, Özbegistanyň ilaty her aýda ortaça 57,9 müň adam köpelýär. Soňky alty aýyň dowamynda özbegistanlylaryň umumy sany 347,3 müň adam artdy. Statistika gullugy golaýda, 2023-nji ýylyň 1-nji iýulyndaky görkezijilere görä, respublikanyň ilatynyň 36 million 372 müň 276 adam bolandygyny habar berdi. Agentligiň habaryna görä, respublikanyň... Читать дальше...