Belarusdaky marafonda "syýasy tussaglar" üçin 500,000 ýewrodan gowrak pul ýygnaldy
Belarusda "syýasy tussaglar" bilen raýdaşlyk üçin gurnalan onlaýn marafony wagtynda 500 müň ýewrodan gowrak pul ýygnaldy. Bu habar 30-njy iýulda, bazar güni Azatlyk radiosynyň Belarus gullugy - "Swaboda" radiosy tarapyndan çap edildi.
Altynjy gün YouTube kanalynda "Biz üçin bary bir däl!" diýen şygar astynda geçirilen marafon 12 sagatlap dowam etdi.
Bu marafon Belarusdaky garaşsyz metbugat we adam hukuklary guramalary tarapyndan gurnaldy.
Syýasy tussaglar üçin serişde ýygnamak çäresine jemi 20-den gowrak metbugat serişdesi, şol sanda “Swaboda” radiosy gatnaşdy.