Russiýa Moskwanyň we Brýansk sebitiniň asmanyna aralaşan dronlary urandygyny aýdýar
Russiýa öten agşam Moskwanyň etraplarynyň birine we günbatar Brýansk sebitine aralaşan pilotsyz uçarlary urup ýykdy diýip, häkimiýetler 28-nji awgustda aýtdylar.
Moskwanyň şäher häkimi Sergeý Sobýanin pilotsyz uçaryň paýtagtyň Lýubertsi etrabynda urlup ýykylandygyny, çekilen ýitginiň ýa-da zyýanyň bolmandygyny aýtdy.
Moskwanyň iki howa menzili, Domodedowo we Wnukowo öz işlerini bir sagat töweregi togtatmaly boldy diýip, Sobýanin sözüniň üstüni ýetirdi.
Russiýanyň Goranmak ministrligi howa goragy güýçleriniň öten agşam Brýansk sebitiniň asmanynda iki sany pilotsyz uçary urup ýykandygyny aýtdy. Çekilen zyýanyň ýa-da ýitginiň bolmandygy aýdyldy.