Новости за 19.08.2022

Татарстан авыл хуҗалыгы һәм азык-төлек министры урынбасары Ленар Гарипов Әгерҗе районыныда «Нәүрүз» ширкәтенең сөтчелек мегафермасындагы эш шартлары белән танышты.

«Болгар мирасы» мәдәни-тарихи фонды Самара өлкәсенең Ширәй авылындагы Попов тавында Ислам динен кабул итүгә 1100 ел тулуга багышланган истәлекле билге куйды. «Самара татарлары» сайты шул турыда яза.

Иртәгә, 20 августта, Татарстанда җылы һәм явым-төшемсез һава торышы сакланачак, әмма төнлә температура фоны сизелерлек төшәчәк. Температура тирбәлеше 20 градуска кадәр, хәтта аннан да күбрәк булачак, дип хәбәр итә республикасың Гидрометеорология үзәге.

Махсус урта уку йортлары күп булса да, күп кенә тармакларда белгечләргә кытлык саклана - аеруча авыл хуҗалыгында һәм машина төзелешендә.

Кузбасста иң борынгы мәчетләренең берсен торгызырга җыеналар. Ул Кемерово өлкәсенең Ижморский районы Җылы Елга авылында 1884 елда төзелгән булган. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Бүген Яшел Үзәндә яшәүче 47 яшьлек ир-атка хөкем карары чыгардылар. Аны ике кешене үтерүдә гаепле дип таптылар.

Пәнҗешәмбе, 25 августта, Мәскәүдә Татарстан Республикасы мәдәнияте көннәренең йомгаклау чаралары узачак. Мәскәү татарлары автономиясе шул турыда хәбәр итте.

Бүген Татарстан Республикасы Президенты Рөстәм Миңнеханов Индонезиянең «Инкопонтрен» кооперативлар союзы делегациясе белән очрашты. Очрашу Татарстан Республикасы Хөкүмәте Йортында узды.

«Справедливая Россия – За правду» партиясе лидеры Сергей Миронов балаларга мәктәп формасы сатып алу өчен сертификат бирергә тәкъдим итте. Ата-аналарга Россиядә җитештерелгән форма алу өчен 5 мең сумлык сертификат бирергә кирәк, дип саный ул. Бу турыда РИА Новости хәбәр итте.

Татарстанда республика теле- һәм радиоканалларының бердәм платформасы Smart TV – интернетка чыга ала торган телевизорларда да эшли башлады. 

Марий Эл Республикасында урман янгыннарының мәйданы 300 гектардан 500 гектарга кадәр арткан. Гадәттән тыш хәлләр министрлыгының төбәк идарәсе матбугат хезмәте шул турыда хәбәр итте. РИА Новости шул хакта яза.

Чуашстан мәгариф министрлыгы мәктәпләрдә чуаш телен атнага өч сәгать укытуны тәкъдим иткән. Бу яхшы да, начар да, ди укытучылар. Чөнки шәһәр мәктәпләрендә хәзерге вакытта чуаш теле бер-ике сәгать кенә укытыла. Әмма авыл балалары аны моңарчы атнасына биш сәгать укыган.

Татарстан Президенты Рөстәм Миңнеханов закон бозуга тартылган, үз-үзен тотышы тәртипсез булган яшүсмерләргә аерым игътибар кирәклеген әйтте. 

Полиция аерым мәктәпләрдә профилактика эше башларга җыена, бу тәҗрибә соңнан башка мәктәпләрдә дә кулланылачак.

«Авыл ипотекасы» программасы буенча Россиядә ел саен 8-10 миллион квадрат метр торак тапшырылырга мөмкин. Илнең вице-премьеры Марат Хөснуллин шул турыда белдерде. Аның сүзләренә караганда, илдә шәхси торак тапшыру темплары рекордлы күрсәткечләр күрсәтә.

Татарстанда битлек режимын үтәү киңәш характерында. Бу хакта «Татар-информ»да узган матбугат конференциясендә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина сөйләде.

Татарстан Президенты Рөстәм Миңнеханов ятимнәргә бирелгән фатирларда торак-коммуналь хуҗалык хезмәтләр өчен бурычлар җыелганын Һәм аларның булырга тиеш түгеллеген әйтте.

23 сентября в Республике Татарстан в рамках международного форума Kazan Digital Week 2022 пройдет первая международная научно-практическая конференция «Цифровые технологии и право».

Сегодня в Зеленодольске прошло пленарное заседание республиканского августовского совещания.

Түбән Камада күренекле язучы-юморист Илдар Хәйруллин вафат булды. Аңа 64 яшь иде. Бу хакта «НТР 24» телеканалы хәбәр итә.

Сотрудники Госалкогольинспекции и Роспотребнадзора в детском оздоровительном лагере «Заречный» рассказали о правах потребителей.

«Татмедиа» акционерлык җәмгыятендә «Язылган өчен санаторийга юллама, телевизор һәм башка призлар» дип аталган бүләкләр уйнатуга йомгак ясадылар. Бүләкләр «Татмедиа»ның кимендә ике басмасына 2022 елның икенче яртыеллыгына язылган һәм шул квитанцияләрне җибәрергән әбүнәчеләр арасында уйнатылды. Бу юлы бүләк уйнатуда катнашу өчен 416 кешедән гариза теркәлгән. Бу – узган ел белән чагыштырганда бер ярым тапкыр диярлек күбрәк. Бу хакта «Татмедиа» акционерлык җәмгыятенең генераль директоры Шамил Садыйков сөйләде. Читать дальше...

2022 елның 1 сентябреннән республика мәктәпләренең уку планнарында әти-әниләрнең сайлап алуы нигезендә «Татарстан Республикасы дәүләт теле – татар теле» предметы кертеләчәк.

Моның өчен ата-аналарга гариза язарга туры киләчәк.

Татарстан Президенты Рөстәм Миңнеханов "Адымнар" күп телле белем бирү комплекслары һәм "Сәләт" хәрәкәте эшчәнлеген зур өметләр баглады. "Адымнар" мәктәбе "Сәләт" хәрәкәте белән бергә позитив нәтиҗәләр бирер дип уйлыйм", - диде ул Яшел Үзәндә мәгариф һәм фән хезмәткәрләренең республика август киңәшмәсендә.