Новости за 27.08.2022

Әтнәнең «Туган ягым» мәдәният һәм ял паркында, «ӘтнәТуй» дип исемләнгән 1нче ачык район фольклор - этник фестиваль үткәрелде.

Республикада өченче ел рәттән «Безнең ишегалды» программасы эшләп килә. Әлеге программа нигезендә, Апас районында быел дүрт ишегалды капиталь төзекләндерелә. Аның өчесе Салават Кәримов урамында урнашкан. Бу турыда «Йолдыз» газетасы сайтында хәбәр ителә.

Эссе һәм коры һава торышы булу сәбәпле, Татарстанда янгын куркынычының 5 нче классы билгеләнгән. Шул уңайдан Питрәч районында өйрәнүләр узды. Анда 26 кеше катнашты, 12 техника җәлеп ителде.

Туган якны өйрәнү музее белгечләре әйтүенчә, Лениногорск ветераннары тарихын күрсәтү мөмкинчелеге турында алар күптән хыялланган. Әлеге хыял электрон киоск рәвешендә чынга ашырылачак, электрон киоскта Бөек Ватан сугышында катнашучыларның барлык архив мәгълүматлары, фото һәм видеолар булачак. Билгеле булганча, әлеге проект Президент фондының мәдәни инициативалар конкурсында җиңде.

28 августта Татарстан территориясендә алмашынучан болытлы, кабат эссе һәм коры һава торышы фаразлана. 

Казанда Россиянең төрле шәһәрләреннән йөзләгән катнашучыны берләштергән дүртенче «Ике Кремль» мотофестивале башланды. Татарстан Президенты Рөстәм Миңнеханов «Казан» Гаилә үзәге янындагы мәйданчыкка килгән байкерлар мотоколоннасының башында барды.

Сегодня в Казани Президент Татарстана Рустам Минниханов и министр юстиции России Константин Чуйченко открыли «Квартал юстиции».

Россия юстиция министры Константин Чуйченко Татарстан Президенты Рөстәм Миңнехановны Михаил Сперанский медале белән бүләкләде.

Видеокүзәтү җиһазлары тавыш бирү узмый торган ике территориаль сайлау комиссиясендә генә эшләячәк.

Татарстан Президенты Рөстәм Миңнеханов ТР Хөкүмәте йортында узган традицион киңәшмәдә юл хәрәкәте иминлеген тәэмин итү буенча республика комиссиясе утырышын үткәрергә кушты. Бу хакта ТР Президентының матбугат хезмәте хәбәр итә.

26 августа в Шентале прошло праздничное мероприятие.

Кичә Татарстан мөфтие Камил хәзрәт Сәмигуллин аз керемле һәм күп балалы гаиләләрдә булган мәктәп укучылары белән очрашты. Мөфти аларга портфельләр һәм мәктәп кирәк-яраклары тапшырды. Бу хакта Татарстан Республикасы мөселманнары Диния нәзарәте матбугат хезмәте хәбәр итте.

Татарстан Президенты Рөстәм Миңнеханов һәм Россия юстиция министры Константин Чуйченко бүген Казанда «Юстиция кварталы»н ачты. Татарстанлылар өчен барлык хокукый хезмәтләр комплексы булган заманча шәһәр киңлеге Һади Такташ урамында урнашкан.

Татарстан Президенты Рөстәм Миңнеханов Казанда ачылган V Яшь дипломатлар глобаль форумында катнашучыларны сәламләде. Аның фикеренчә, халыкара мөнәсәбәтләрнең киләчәге күпмедер дәрәҗәдә нәкъ менә дипломатларга бәйле.

В Нурлатском районе подвели итоги VIII Чемпионата Нурлатского района среди мужчин по международным шашкам.

Татарстанда «Безнең ишегалды» программасы кысаларында күп фатирлы торак йортларның ишегалларында юл эшләре дәвам итә. Юл эшләрен башкаруның уртача проценты – 94%. Аксубай, Актаныш, Апас, Чүпрәле, Мөслим, Балык Бистәсе, Сарман, Спас, Тәтеш, Чирмешән һәм Ютазы районнарында юл эшләре тәмамланган. Тагын 11 муниципаль районда юл эшләрен 30 августта тәмамлау планлаштырыла.

Казанда узучы яшь дипломатлар глобаль форумы бүгенге халыкара вазгыятьтә илләр арасындагы дустанә мөнәсәбәтләрне саклауда гаять зур роль уйный. Россия тышкы эшләр министры Сергей Лавров форумда катнашучыларга үз мөрәҗәгатендә шундый фикере белән уртаклашты.

Татарстанның Зәй, Сарман һәм Тукай районнары шикәр чөгендере алырга керешкән – әлегә 24,6 мең тонна татлы тамыр казып алынган. ТР Премьер-министры урынбасары – авыл хуҗалыгы һәм азык-төлек министры Марат Җәббаров ТР Хөкүмәте йортында узган республика киңәшмәсендә шулай дип белдерде. Бу хакта республика Президентының матбугат хезмәте хәбәр итә.

В каждом районе Республики Татарстан создадут пункты оказания бесплатной юридической помощи.

В акции «Помоги собраться в школу» активно участвуют молодожены Нурлатского района.

Рәсми саннарга караганда, соңгы атнада республикада көненә 200ләп кеше ковид йоктыра.

Татарстанда бөртекле культуралар чәчелгән мәйданнарның 73 процентында диярлек игеннәр җыеп алынган. Кукурузны исәпкә алмыйча, 4 миллион тоннага якын ашлык суктырылган, уңыш гектарыннан уртача 37,5 центнер тәшкил итә. ТР Премьер-министры урынбасары – авыл хуҗалыгы һәм азык-төлек министры Марат Җәббаров ТР Хөкүмәте йортында узган республика киңәшмәсендә шулай дип белдерде. Бу хакта республика Президентының матбугат хезмәте хәбәр итә.

Яшел Үзәндәге заводта Росгвардия өчен яңа корабны суга төшерделәр. Якын көннәрдә буксир Россиянең стратегик яктан мөһим объектын – Кырым күперен сакларга юл тотачак.

Сотрудники Нурлатского отдела Госавтоинспекции проводят профилактические рейды, акции по предупреждению нарушений правил дорожного движения несовершеннолетними.

Бүген Татарстан Президенты Рөстәм Миңнеханов ТР Хөкүмәтендә узган традицион киңәшмәдә коронавирус инфекциясен йоктыручылар арту сәбәпле санитар-эпидемиология таләпләрен төгәл үтәргә һәм вакцинацияне активлаштырырга чакырды. Бу хакта ТР Президентының матбугат хезмәте хәбәр итә.