Новости за 08.11.2022

Казанда ел саен үткәрелә торган «Наше время-Безнең заман» X ачык республика телевизион фестиваленең гала – концерты тәмамланды. Түбән Кама СИБУР предприятиесе командасы гомумкоманда зачетында беренче урынга лаек булды.

Кукмарада яшәүче 68 яшьлек пенсионерга карата җинаять эше судка җибәрелгән. Ул «Урлау, гражданинга зур суммада зыян китерү» маддәсе буенча гаепләнә.

Башкортстанның Мостай Кәрим исемендәге Милли яшьләр театры  «Алтын Трезини» Халыкара премиясе дипломанты булды. «Капитанская дочка» спектакле сценографиясе «Театр декорация иң яхшы гамәлгә ашырылган проект» номинациясенә кабул ителгән проектлар исемлегенә керде. Бу хакта Мостай Кәрим исемендәге Милли яшьләр театрының матбугат хезмәтенә сылтама белән «Башинформ» хәбәр итә.

Бүген Татарстан Язучылар берлеге идарәсендә татар поэзиясенә багышлап чыгарылган төрек журналы «Һәҗә» тәкъдим ителде.

Татарстан Язучылар берлеге идарәсе өч язучыны күпчелек тавыш белән үз сафларына кабул итте. Уфада яшәүче татар язучысы Мөнир Вафин, Алабугада яшәүче әдәбият галиме, язучы Гомәр Даутов һәм Казанда яшәүче Людмила Уфимцева Язучылар берлегенең яңа әгъзалары булды.

2010 елдан Татарстанда «Ана даны» медале белән 1505 ана бүләкләнде. Быел гамәлгә куелган «Ата-ана батырлыгы» медале Татарстанда яшәүче биш гаиләгә бирелде.

Саха-Якут Республикасы башкаласы Якутск шәһәрендә технология һәм дизайн көллиятенең 25 еллык юбилеенда тимер кою традицияләренә багышланган семинар узды. Шушы ике чараның тантаналы ачылышы саха халкының дине – тәңречелеккә бәйле йолалар белән башланып китте.

Россиядә 17 яшькә кадәрге балалы гаиләләргә ярдәм итү системасы формалаштыру тәмамланды. Бу турыда РФ вице-премьеры Татьяна Голикова хәбәр итте. Бу нәтиҗәгә якынаерга быел гамәлгә куелган яңа универсаль пособие мөмкинлек бирде.

Татарстан Язучылар берлеге идарәсендә татар галиме Надир Дәүләт турында биографик хикәят тәкъдим ителде.

Әти-әниләр эшкә чыкканда яки аларның хезмәт хакы аз гына арта икән, алар балаларга түләү алу хокукын югалтырга мөмкин. Шул ук вакытта гаиләнең гомуми кереме пособиеләр буенча алган керемнән түбәнрәк булырга мөмкин, диде РФ Президенты Владимир Путин һәм бу проблеманы хәл итәргә чакырды. Хәл итү юлының берсе сыйфатында ул мондый гаиләләргә пособиеләрнең бер өлешен булса да түләүне дәвам итәргә тәкъдим итте.

Татарстанда көндезге бүлектә укучы йөз студент Татарстан Президенты стипендиясен алачак. Түләү бөтен уку чорында каралган. Бу турыдагы указны республика җитәкчесе Рөстәм Миңнеханов имзалады.

1 гыйнвардан Россиядә хезмәт өчен түләүнең минималь күләме (МРОТ) һәм яшәү минимумы инфляциядән югарырак артачак. Бу хакта Россия хезмәт һәм социаль яклау министры Антон Котяков хәбәр итте.

«Җайланма аша шигырьләрненең һәр битен ачып карап, укып һәм тыңлап була. Шигырьләрне Россиянең атказанган, Татарстанның халык артисты Илдус Әхмәтҗанов укый», - диде Нәзирә Фәттахова.

Балалы гаиләләр өчен бердәм пособиенең уртача күләме 13 900 сум тәшкил итәчәк. Бу хакта Россия хезмәт һәм социаль яклау министры Антон Котяковка сылтама белән РИА Новости  хәбәр итте.

Күренекле татар язучысы һәм журналисты Заһид Мәхмүдинең улы, журналист һәм кинорежиссер Фәнис Камал татар язучылары тормышы турында нәфис фильм сценариенә бәйге игълан итәчәк.

Алабуга Үзәк район хастаханәсе табиблары йөк машинасы белән вахта автобусы һәлакәтендә имгәнгән 11 кешене тикшергән. Өч кеше амбулаториядә дәвалануга җибәрелгән.

Якутск тимерчеләре һәм галимнәр дымлы өретү ысулы белән (сыродутная выплавка стали) рудадан тимер алу традицияләрен студентларга күрсәттеләр. Семинар практикум бүген Якутск шәһәренең “Россия – минем тарихым” тарихи паркында узды. Аны Якутиянең технология һәм дизайн көллияте, Саха Республикасының тимерчеләр берлеге һәм “Россия – минем тарихым” тарихи паркы бергә уздырды.

2023 елда Россиядә ана капиталы күләме артачак. Бу хакта Россия хезмәт һәм социаль яклау министры Антон Котяков хәбәр итте.

Күренекле язучы Заһид Мәхмүдигә исән чагында тапшырылып өлгермәгән «Татарстанның атказанган сәнгать эшлеклесе» мактаулы исеме аның гаиләсенә тапшырылды.

Татарстан Президенты Рөстәм Миңнеханов Казан Кремлендә Ибн Халдун Университеты Попечительләр советы рәистәше, Бөтендөнья этноспорт конфедерациясе президенты Билал Эрдоган белән очрашты. Бу турыда Татарстан Президентының матбугат хезмәте хәбәр итә.

«Яшьләр уку йортындагы җиһазларны һәм мөмкинлекләрне күргәннән соң, «безнең техникумда да мондый мөмкинлекләр булса иде», дигән сүзләрен әйтте», - диде Флюра Абдуллина.

Бүген 16.30 сәгать тирәсендә республиканың Алабуга районы «Алабуга» махсус икътисади зонасы территориясендә юл-транспорт һәлакәте булган.

Республика рәсмиләре 2-3 елдан соң Европа белән мөнәсәбәтләр яхшыруга өмет итә.

7 ноябрьдә Самара өлкәсенең «Бердәмлек» татар газетасы коллективының һәм гамәлгә куючыларының хисап-сайлау җыелышы булды, анда бертавыштан басманың яңа мөхәррире сайланды. Ул - Данияр Ирек улы Сәйфиев. Бу турыда «Самара татарлары» сайтында хәбрә ителә.

Татарстанда гаиләгә беренче бала өчен айлык түләү якынча 33 мең балага рәсмиләштерелгән, бу төбәктә туган беренче балалар санының чама белән 27 процентын тәшкил итә, диде ТР хезмәт, халыкны эш белән тәэмин итү һәм социаль яклау министры урынбасары Наталья Бутаева.