Новости за 04.05.2023

Сегодня, 4 мая, гостями прямого эфира «Авторадио - Нурлат» станет Маргарита Крайнова, заведующая здравпунктом «Изумруд» НГДУ «Нурлатнефть».

ТР мөселманнары Диния нәзарәтенең хатын-кызлар белән эшләү бүлеге һәм ТР мөслимәләре берлеге Ураза бәйрәме һәм Корбан бәйрәме хөрмәтенә яңа балалар киемнәре тарата башлады.

Мостай Кәрим повесте буенча төшерелгән «Помилование» (»Ярлыкау») фильмы бүген прокатка чыга.

Чаллы кызлары арасында «Сабантуй гүзәле – 2023» шәһәр конкурсы игълан ителде. Әлегә 5 гүзәл кыз катнашырга теләк белдергән.

Түбән Камада Пушкин исемендәге скверның нинди булырга тиешлеге турында фикер алышу өчен шәһәр халкы белән очрашу уза. Бу хакта Түбән Кама муниципаль районы башкарма комитетының мәдәният идарәсе матбугат хезмәте хәбәр итә.

Быелның 6 мартында Татарстанның белем бирү учреждениеләре базасында Студентлар отрядлары өчен өстәмә һөнәри белем бирүгә старт бирелгән иде. Әлеге программа Кукмара аграр көллиятендә дә уңышлы гына тормышка ашырыла. Аның кысаларында бүгенге көндә кырыкка якын студент өстәмә рәвештә бушлай эшче һөнәр үзләштерә.

Теләче районы мәдәният йортында көрәшчеләр хәйрия концерты куйды. Ул өлешчә мобилизациядә булган хәрбиләргә ярдәм итү максатыннан оештырылды. Өч сәгатькә сузылган концертта көрәшчеләр биеде, җырлады, нәфис сүз сөйләде. 

Чирмешән районында яшәүче Бөек Ватан сугышы ветераны Габделхак Җиһаншинны бу көннәрдә Бөек Җиңү көне белән котлыйлар. Муниципаль район башлыгы Рамил Айбатов та ветеранны өенә барып котлады, аңа республика Рәисе Рөстәм Миңнехановның күчтәнәч пакетын,, котлау открыткасын да тапшырды. Бу хакта «Безнең Чирмешән» газетасы хәбәр итә.

14 май Төркиядә президент һәм парламен сайлаулары узачак. 2014 елдан бирле президент булып утырган Рәҗәп Эрдоган вазифасын саклап калырмы, юкмы - төрле фаразлар яңгырый. Азатлык Төркия белән төрки дөнья, Казан һәм Кырым татарлары, башкортлар арасындагы элемтәләр никадәр саклануы турында фаразлый.