Новости за 10.11.2023

Кичә Татарстан мөфтие Камил хәзрәт Сәмигуллин Чечня Республикасы мөфтие шәйх Сәлах-хаҗи Межиев белән очрашты. Очрашу Чечня Республикасы мөфтияте бинасында үтте. Бу турыда Татарстан Диния нәзарәте хәбәр итте.

Ульяновск өлкәсенең «Өмет» газетасында «Филиптә милли бәйрәм» дигән язма чыкты.

Түбән Кама муниципаль районы хакимиятенең муниципаль программалары һәм проектлары «Россиянең сәламәт шәһәрләре» бәйгесендә җиңү яулады. Бәйге «Демография» илкүләм проекты кысаларында уздырылды. Бу хакта Түбән Кама муниципаль районы рәсми сайтында хәбәр ителә.

2023 елның көзе Лениногорск һәм Бөгелмә тарихында велоспорт секциясе барлыкка килү чоры белән истә калыр. «Татнефть» җитәкчелеге, муниципаль район администрацияләре һәм спорт мәктәпләре дирекциясе – Бөгелмәнең 1нче спорт мәктәбе һәм Лениногорскның 1нче балалар - яшүсмерләр спорт мәктәбе уртак эше ярдәмендә «ТатнефтьВело» командасы филиалларында дәресләр башланды. Бу хакта «Заман сулышы» сайтында хәбәр ителә.

Алабугада туристик код проектын гамәлгә ашыру кысаларында шәһәр объектлары өстәмә яктыртыла башлады. Бу хакта «Алабуга нуры» хәбәр итә.

Аксубай районы башлыгы Камил Гыйльманов районга эш сәфәре белән килгән Татарстан мөселманнары Диния нәзарәтенең Аксакаллар шурасы рәисе Айрат хәзрәт Әюпов, Татарстанның Көньяк төбәге казые, Аксубай районы имам-мөхтәсибе Равил хәзрәт Зөфәров, район мөхтәсибәтенең аксакаллар советы рәисе Минзаһит хәзрәт Ганиев белән эшлекле әңгәмә үткәрде. Бу хакта «Авыл таңнары» сайтында хәбәр ителә.

Бөгелмәнең Татар мәдәният үзәгендә җомга көн кич белән «Капка төбе» дип аталган ял кичәсе үтте. Кичәне бик кызыклы итеп «Изһар» халык театры артистлары һәм «Бөгелмә сердәшләре» ансамбле солистлары әзерләде. Бу хакта «Бөгелмә авазы» хәбәр итә.

Намаз уку биналары урыс активистларының шикаятьләреннән соң ябылган. Мәхәллә җитәкчесе адвокатлар яллавын хәбәр итә. Мәскәү мөфтие намаз укырга урын җитмәүгә зарлана.