Апаста 18 кеше битлек режимын бозган
(Апас, 14 ноябрь, «Татар-информ», « Апастово-информ »). Бу атнада Апаста 18 кеше битлек кияргә теләмәгән. Арада битлек режимын үтәмәүчеләр генә түгел, социаль дистанция сакламаучылар да бар. Бу турыда район эчке эшләр бүлегенә сылтама белән район басмасы хәбәр итә. «Безнең максат беркетмә төзү түгел, райондашларны чирдән саклау, сәламәтлекнең кадерен белергә өйрәтү. Рейдларга еш чыгабыз. Сирәк булса да, битлек киясе килмәгән кешеләр очрый», — ди җәмәгать тәртибен саклау буенча район эчке эшләр бүлеге җитәкчесе урынбасары Айрат Нигъмәтҗанов. Март аеннан башлап, бүгенге көнгә кадәр таләп-кагыйдәләргә җавапсыз караган 603 кешегә административ беркетмә төзегән.