Чирмешәндә дүрт йортта капиталь ремонт бара
(Чирмешән, 8 июль, «Татар-информ», « Безнең Чирмешән », Кадрия Гамирова). Күп фатирлы йортларга капиталь ремонт программасы буенча Чирмешән үзгендәге дүрт йортта төзелеш эшләре бара. Совет урамындагы 42, 44, 45 нче йортларда су һәм канализация челтәрләре яңартыла, цоколь этажларның стеналары җылытылып, бина тирәсенә отмостка ясала. Совет урамының 5 нче йортында подъездларга керү юлларын яңарталар. Подъезд алдына козыреклар ясала, йорт тирәсендә яңа отмостка да булачак. Барлык эшләрне көзгә калдырмаска, җәй аенда тәмамларга ниятлиләр, диелә хәбәрдә.