Әлки районында II Төбәкара «Uen Fest» фестиваленең зона этабы узды
(Казан, 8 июль, «Татар-информ»). Әлки муниципаль районында Татарстан халыкларының традицион уеннарының II Төбәкара «Uen Fest» фестиваленең зона этабы узды.
Әлеге чара Татарстан Республикасы Мәдәният министрлыгы ярдәме белән «Таткультуресцентр» ДБУ тарафыннан оештырылды, дип хәбәр итә Бөтендөнья татар конгрессы матбугат хезмәте.
Фестивальдә Татарстанның төрле почмакларыннан, шулай ук Төмән шәһәреннән 20гә якын коллектив катнашты. Төрле милләт балалары жюри һәм катнашучылар игътибарына нинди дә булса халык уенын тәкъдим итте.
Җиңүче балалар диплом, истәлекле бүләкләр алдылар һәм Казан шәһәрендә узачак финал гала-концертына чакырылдылар.