Татарстанда 14 яшьлек үсмер Ык елгасында батып үлгән
(Казан, 21 июль, «Татар-информ», Полина Шевчук). Бүген Мөслим районында Ык елгасында 14 яшьлек үсмер батып үлгән. Бу турыда Татарстан прокуратурасы хәбәр итте.
Мәрхүм бала ике дусты белән елгага су коенырга барган булган.
Бала һәлак булганнан соң, прокуратура тикшерү эшләре башлаган.
Урынга Мөслим районы прокуроры вазифаларын башкаручы Рамил Мухсинов барган.