Теләче делегациясе Мөслим районында эш тәҗрибәсе белән танышты
(Теләче, 25 июль, «Татар-информ», « Теләче-информ »). Шушы көннәрдә Теләче районы башкарма комитеты җитәкчесе Илнур Хәмидуллин җитәкчелегендә Теләче районы делегациясе Мөслим районында булды. Делегация эш сәфәре барышында Мөслим районның эш тәжрибәсе белән танышты. Балалар бакчасында, китапханәдә, мәктәптә, бай тарихка ия булган музейда, милли бәйрәм сабантуй уза торган урында һәм башка объектларда, ял паркында булды. Үзләрен кызыксындырган сорауларга җавап алдылар. Мөслимнең район үзәге белән районның яшьләр белән эшләү һәм спорт бүлеге җитәкчесе Илшат Җаббаров Теләче делегациясен таныштырды.