Түбән Камада Стахеевлар фестивале булды
(Казан, 13 сентябрь, «Татар-информ»). Түбән Камада дүртенче тапкыр Казанның Изге Ана иконасы чиркәвендә православие динендәгеләрнең «Верую» Стахеевлар фестивале узды. Быел бәйрәм Туган телләр һәм халыклар бердәмлеге елына һәм Түбән Каманың 55 еллыгына багышланган иде. Бу хакта НТР хәбәр итә.
Фестиваль Түбән Кама муниципаль районының гына түгел, Казан, Яр Чаллы, Баулы, Яңа Чишмә, Ютазы, Саба һәм Биектау районнарының иң яхшы фольклор һәм халык коллективларын җыйды. Бу хакта НТР матбугат хезмәтенә сылтама белән Түбән Кама муниципаль районы рәсми сайты нда хәбәр ителә.
Фестивальдә чыгышлардан тыш, барлык теләүчеләр өчен декоратив-гамәли сәнгать һәм халык һөнәрләре осталары ярминкәсе дә эшләде. Бирегә килүчеләр өчен «Стахеевская гостиная» фотозонасы оештырылган иде, анда фотога төшәргә һәм XIX гасыр азагы — ХХ гасыр башында «булып алырга» мөмкин иде. Бәйрәм кунакларын кайнар чәй, тәм-томнар һәм ботка белән сыйладылар.