Мәскәүнең татар милли-мәдәни автономиясе җитәкчесе Гаяс Ямбаев ковидтан үлгән
(Казан, 21 август, «Татар-информ», Гөлүзә Ибраһимова). Мәскәүнең көньяк-көнчыгыш округы татар милли-мәдәни автономиясе җитәкчесе Гаяс Ямбаев вафат.
«Гаяс абый Мәскәүнең танылган татар активисты булды. Милләтне саклау өчен бик күп проектлар эшләде. Ул һәрвакыт беренче булып йөрде, Мәскәү активистлары аны белә. Ул шундый хөрмәтле аксакал иде. Олы яшендә булуына карамастан, чараларда катнашты, яшьләргә ярдәм итте. Безгә билгеле булганча, ул ковидтан үлгән», — дип сөйләде Татарстанның Россиядәге тулы вәкаләтле вәкиле урынбасары Эмиль Фәйзуллин.
Аның сүзләренчә, көньяк-көнчыгыш округындагы автономия бик танылган, анда татар этнокомпоненты булган мәктәп эшли,
Якынча мәгълүмат буенча, Гаяс Ямбаев пәнҗешәмбе көнне көнне 10:00 сәгатьтә Кузьминки зиратында җирләнә.