Гыйнварда Нальчиктан Казанга рейс ачарга җыеналар
(Казан, 31 декабрь, «Татар-информ»). 2022 елның гыйнварында Нальчик — Казан маршруты буенча сынау авиарейсын ачарга җыеналар.
«Нальчиктан Казанга очыш 15 гыйнварда 12.00 сәгатьтә, ә Казаннан Нальчикка рейс 18 гыйнварда 15.10 сәгатькә планлаштырылган», — диде ТАССка «Нальчик» аэропорты вәкиле Ислам Шомахов
Әгәр маршрутка ихтыяҗ булса, даими рейсны гамәлгә кую мөмкинлеген караячаклар, дип ачыклык кертте ул.
Пассажирларга 50 кеше сыешлы Bombardier CRJ 100/200 самолетлары хезмәт күрсәтәчәк. Рейска билетлар сатыла башлады.