Көнчыгыш мөхтәсибәте имам мөхтәсибе Рәкыйб хәзрәт Мингалиев вафат
Ульяновск өлкә мөселманнарының региональ Диния нәзарәте президиумы әгъзасы, Көнчыгыш мөхтәсибәте имам мөхтәсибе, Урта Исәнтимер авылы имам хатыйбы Рәкыйб хәзрәт Шәмәрдән улы Мингалеев вафат булган. Бу турыда Ульяновск татарларының «Өмет» газетасы телеграм-каналында хәбәр итте.
«Рәкыйб хәзрәт 72 яшендә фани дөньядан бакыйлыкка күчте. Дин әһеленең авыр туфрагы җиңел, урыны җәннәттә булсын», диелә хәбәрдә.