Новости за 17.06.2022

Бүген Петербург халыкара икътисади форумы кысаларында «Киләчәк уеннары - 2024» оештыру турында Килешү имзаланды.

Бүген Татарстан Республикасы Авыл хуҗалыгы һәм азык-төлек министрлыгында муниципаль районнар белән киңәшмәдә билгеле булганча, 19 районда сөт җитештерү күләме арткан.

18 июньдә Татарстанда һава шартлары начарлануы көтелә. Көндез һәм кич яшен, урыны белән кыска вакытлы яңгыр фаразлана.

«Ул мине аңлый. Аңа яратып «кызым» дип эндәшәм», - диде ул.

Милли китапханәдә балалар өчен татар телендә «Укымыш» китап клубы эшли. Аларны Рабит Батулланың «Бака-Бакылдык» китабын укырга чакыралар.

Бүген «Ел табибы – Ак чәчәкләр» премиясен тапшыру тантанасында Россия Саклану министрлыгының Казан хәрби госпитале җитәкчесе исеме билгеле булды. Әлеге вазифада медицина хезмәте подполковнигы Дамир Ижбердеев эшләячәк. Бу турыда «Татар-информ» хәбәрчесе яза.

19 июньдә Казанда Сабан туен зурлап бәйрәм итәчәкләр. Дәрвишләр бистәсендә, Аккош күлендә һәм Тынычлык бистәсендә узачак чаралар вакытында хокук саклау органнарына катнашучыларның һәм кунакларның иминлеген тәэмин итәргә кирәк.

Россия Президенты Владимир Путин Петербург халыкара икътисади форумында сәнәгатьтә импортны алмаштыру буенча «КАМАЗ» предприятиеләренә кагылышлы ике мисал китерде.

Бүген ТР Дәүләт Советы Рәисе Фәрит Мөхәммәтшин 11 шәһәр һәм район хастаханәсенә 17 автомобиль ачкычы тапшырды. 

Казанда традицион Сабантуй бәйрәменә әзерлек тулы куәтенә бара. Ул 19 июньдә узачак. Быел бәйрәм чаралары дүрт мәйданда узачак, төп мәйданчык Тынычлык бистәсе янындагы Каенлык була. Бу турыда «Татар-информ» хәбәрчесе Галина Гыйләҗетдинова яза.

Россия Президенты Владимир Путин сүзләренчә, Россиянең киләчәге – ул ике, өч һәм аннан да күбрәк балалы гаилә. Бу турыда ул Петербург халыкара икътисади форумының пленар утырышында әйтте.

Мәскәүдән килгән Александр Несяев Пантакрин аты белән Ульяновск өлкәсе губернаторы призын алды.

Россиядә бизнеска ярдәм итү өчен яңа ташламалы программа — сәнәгать ипотекасын кертергә тәкъдим ителде.

Бүген "Ак чәчәкләр-Ел табибы-2022" бәйгесе җиңүчеләрен бүләкләү тантанасында Баулы районы Мортаза авылында ФАП белән 32 ел җитәкчелек иткән Рәзинә Мөгыйновага Татарстан Президентыннан махсус бүләк - җиңел машина ачкычлары тапшырылды.

Татарстанның сәламәтлек саклау министры Марат Садыйков ТАССР атказанган табибы, ТР атказанган фән эшлеклесе, Россия акушер-гинекологлар җәмгыятенең мактаулы әгъзасы Лев Козловны "Сәламәтлек саклау легендасы" итеп игълан итте.

"Ак чәчәкләр-Ел табибы-2022" бәйгесенең “Ел табибы” номинациясендә йөрәк-кан тамыры хирургы Роин Джорджикия җиңү яулады.

Александр Сотниченко Сабан туена беренче тапкыр катнашуын, аның Татарстанны Россия һәм Төркия белән берләштерүен әйтте.

Россия Президенты Владимир Путин инвестицион климат торышы рейтингында алдынгы төбәкләрне котлады. Ул искәрткәнчә, ил буенча элеккечә Мәскәү һәм Татарстан лидер булып кала. Алардан тыш, Мәскәү өлкәсе дә беренче өчлеккә кергән.

"Ак чәчәкләр-Ел табибы-2022" бәйгесенең "Уникаль очрак” номинациясендә Республика балалар клиник хастаханәсе җиңде. Бу минутларда "Ак чәчәкләр-Ел табибы-2022" бәйгесе җиңүчеләрен "Казан Экспо" үзәгендә бүләклиләр.

Татарстанның сәламәтлек саклау министры Марат Садыйков "Казан Экспо" үзәгендә "Ак чәчәкләр-Ел табибы-2022" бәйгесе җиңүчеләрен бүләкләү тантанасын ачып җибәрде. "Табиб булмаса, клиникалар - стена һәм металл гына", - диде ул медицина хзмәткәрләрен якынлашып килүче һөнәри бәйрәмнәре белән котлап.

Киров өлкәсенең Малмыж районы Яңа Йөрек татар авылында иганәчеләр һәм авыл халкы хисабына салынган клуб һәм китапханә ачылды. Клуб ачылу тантанасы авыл Сабантуе белән дәвам итте.

«Ак чәчәкләр-Ел табибы-2022» бәйгесенең «Беренчел звено» номинациясендә Кама Тамагы районы Куйбышев затоны бистәсе табибы Олег Наумов җиңү яулады. 

Татарстан Президенты Рөстәм Миңнеханов «ДОМ.РФ» АҖ генераль директоры Виталий Мутко һәм «Россия автомобиль юллары» идарәсе рәисе Вячеслав Петушенко белән очрашты. Алар торак төзелеше, шул исәптән «яшел» стандарт булдыру, кирәкле инженерлык һәм транспорт инфраструктурасын төзү мәсьәләләре турында фикер алышты. Бу хакта ТР Президентының матбугат хезмәте җитәкчесе Лилия Галимова хәбәр итә.

"Ак чәчәкләр-Ел табибы-2022" бәйгесенең "Елның медицина хезмәткәре” номинациясендә җиңүче билгеле. Актанышның Аккүз авыл җирлегендәге ФАП фельдшеры Ләйсән Анамова иң күп тавыш җыйган. 

Ташламалы ипотека буенча еллык ставканы 9 проценттан 7 процентка кадәр киметүләре мөмкин.