Новости за 03.06.2022

Әлмәттә 31 май көнне 2022 ел башыннан бирле сигезенче игезәк балалар тууы теркәлде, дип яза «Әлмәт таңнары» газетасы. 

Чувашия Республикасының Батыр районы Кызыл Камыш авылында традицион «Сабантуй» бәйрәме узды. Россия мөселманнары Дини җыенының Үзәкләштерелгән дини оешмасы шул турыда хәбәр итә.

Бүген Чаллыдагы складларның берсендә янгын чыкты. Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсенең җирле бүлеге белгечләре шунда ук якындагы торак йортлар тирәсендә һава пробаларын алды.

Бүген кичке сәгать алтыда 101 номерына Казанның Моторная урамындагы торак йортта янгын чыгу турында хәбәр килгән. Ут бишенче каттагы фатирларның берсендә чыккан.

«Яшәү өчен бөтенләй акча булмаска, ярдәм итәрдәй якын кешеләр калмаска мөмкин. Бу проектны хатын-кызлар өчен махсус булдырдык», - диде Илзирә Вәлиәхмәтова.

2 июньдә шагыйрь һәм җәмәгать эшлеклесе Рөстәм Зәкуановның туган ягында, Азнакай районының Үчәлле авылында, мемориаль стела ачу тантанасы булды. Чара ТР өченче чакырылыш Дәүләт Советы депутаты, ТР Габдулла Тукай исемендәге Дәүләт премиясе лауреатының тууына 65 ел тулуга багышланган иде.

Татар җәмәгать эшлеклесе Ишбала Әбүсәров вафат булу сәбәпле, Татарстан Республикасының Санкт-Петербург шәһәрендә һәм Ленинград өлкәсендәге даими вәкиллеге мәрхүмнең туганнарының һәм якыннарының тирән кайгысын уртаклаша. Кайгынамәне вәкиллек рәсми сайты чыгарды.

Бүген Татарстан халыклары Дуслык йортының күргәзмәләр залында Татарстан халыклары Ассамблеясының 30 еллыгына багышланган фотокүргәзмә ачылды. Күргәзмәне ТР Дәүләт Советы Рәисе, Татарстан халыклары Ассамблеясы Советы рәисе Фәрит Мөхәммәтшин да карады, дип хәбәр итә республика парламентының матбугат хезмәте.

Ульяновск өлкә мөселманнарының региональ Диния нәзарәте президиумы әгъзасы, Көнчыгыш мөхтәсибәте имам мөхтәсибе, Урта Исәнтимер авылы имам хатыйбы Рәкыйб хәзрәт Шәмәрдән улы Мингалеев вафат булган. Бу турыда Ульяновск татарларының «Өмет» газетасы телеграм-каналында хәбәр итте.

Иртәгә, 4 июньдә, республикада алмашынучан болытлы һава көтелә. Төнлә урыны белән, көндез бөтен төбәктә кыска вакытлы яңгырлар явачак, кайбер урыннарда яшен булуы ихтимал. Казанда яшенле явым-төшем төнге һәм иртәнге сәгатьләрдә булырга мөмкин. Татарстанның Гидрометеорология үзәге шул турыда хәбәр итә.

6 июнь көнне Саратовта Коръән укучылар конкурсының финалы узачак. Бәйге ел саен уткәрелә. Анда өлкә мөселманнарының Диния нәзарәте каршындагы «Зейд бин Сабит» Коръән уку үзәгендә белем алучылар катнаша. Россия Мөфтиләр шурасы шул турыда хәбәр итте.

Узган атнада, 20 – 27 май көннәрендә, Татарстанда кайбер азык-төлеккә бәяләр төшкән. Татарстанстат шундый мәгълүматлар китерә.

Башкортстан башкаласында уңайлы мохит мәсьәләләре белән танылган блогер, сәяхәтче, альпинист һәм җәмәгать эшлеклесе Рөстәм Нәбиев шөгыльләнәчәк. Ул Уфа мэры Ратмир Мәүлиевның киңәшчесе итеп билгеләнә. Уфа шәһәре башлыгы үзенең телеграмм-каналында әлеге яңалыкны анонслады. «Башинформ» шул турыда яза.

Республика балалар китапханәсенә Татарстанның халык шагыйре Роберт Миңнуллин исеме биреләчәк. Төбәк Хөкүмәтенең шундый эчтәлектәге карарын Татарстан Премьер-министры Алексей Песошин имзалады.

Сочида ел саен уздырыла торган конференциядә медиаменеджерлар исемнәре игълан ителде. Әлеге исемлеккә керүчеләр илдәге радиотапшырулар өлкәсендә иң зур индустриаль оешма – Россия радиосы академиясе составын тулыландырды. Яңа академиклар арасында «Башкортстан» телерадиокомпаниясе директоры Рөстәм Зарафетдинов та бар. «Башинформ» шул турыда яза.

«Аэрофлот» авиакомпаниясенең Коломбо – Мәскәү авиарейсының очышы гамәлдән чыгарылган. Очыш Шри-Ланка Республикасының һава юллары җитәкчелегенең очып китүне тыюы сәбәпле туктатылган. Арестны бетерү турында суд тыңлаулары 8 июньдә булачак, дип хәбәр иткән Россия авиакопаниясе. Бу хакта РИА Новости яза.

Быел Театр сабантуеның көтелмәгән яңалыгы бар – башка еллардан аермалы буларак, быел төп бүләк Сабантуй батырына түгел, ә театрга бирелә.

Россиянең Югары уку йортлары ректорлары илкүләм мәгариф системасын совет чоры тәҗрибәсендә үстерүне бертавыштан яклап чыкты, зур игътибар специалитетка биреләчәк, дип хәбәр итте журналистларга Россия ректорлары берлеге президенты, М.В. Ломоносов исемендәге МДУ ректоры Виктор Садовничий. РИА Новости шул хакта яза.

«Татарстан авыл хуҗалыгын уңышлы һәм ышанычлы үстерү нигезендә берничә буын мелиораторларның хезмәте ята», - диде ТР Дәүләт Киңәшчесе.

Объект в микрорайоне Северо-Восточный строится по республиканской программе.

На первом онлайн-форуме избирателей обсуждались новые форматы работы с избирателями.

Казанда “Хәрәкәттә бәрәкәт” проекты кысаларында Самар өлкәсе Ярмәк авылыннан чыккан "Ярмәк" вагы биюен өйрәттеләр. Кабан күле буенда узган чарада йөзләрчә кеше катнашты.

Республиканская детская библиотека будет носить имя Роберта Миннуллина.

Азербайҗан Buta Airways лоукостеры (түбән бәяләрдән хезмәт күрсәтә торган авиакомпания) Казанга янә очышлар ача. Бу хакта «Азербайҗан авиалинияләре» компаниясенең матбугат хезмәтенә сылтама белән РИА Новости хәбәр итә.

Соревнования по волейболу среди мужских команд проходили в поселке городского типа Васильево Зеленодольского района.