Ринат Фәхретдиновка оттырганнан соң грек көрәшчесе Михайлидисны оешмадан чыгарганнар
Ринат Фәхретдиновның беренче көндәше булган грек көрәшчесе Андреас Михайлидисны оешмадан чыгарганнар. Бу хакта «Чемпионат» порталы UFC Roster Watch оешмасына сылтама белән хәбәр итә.
Чыганак мәгълүматлары буенча, Абсолют көрәш чемпионаты (UFC) җитәкчелеге, Михайлидистан тыш, тагын дүрт көрәшчене (Фрэнк Камачо, Алекс да Силва, Луис Смолка, Фелис Херриг) озатырга карар кылган.
Шунысын да искәртик: лига дебютанты, UFC тарихындагы беренче татар спортчысы Фәхретдиновка (ул хөкемдарларның бердәм карары белән җиңү яулады) каршы көрәш грек спортчысы өчен соңгы алыш булды.
Татар көрәшчесе дебют чыгышында грек спортчысын отты һәм шул рәвешле гомуми җиңүләр сериясен 19га җиткерде.