Казан Сабан туе батырларына быел квадроцикл вәгъдә итәләр
Казан шәһәре мәдәният идарәсе башлыгы Азат Абзалов батырларны билгеләү жирәбә буенча башкарылмаячагын, көрәшчеләр абсолют батыр калганчы көрәшәчәген белдерде.
Казан шәһәре мәдәният идарәсе башлыгы Азат Абзалов Казан Сабан туе батырларына быел тәкә белән квадроцикл бүләк ителәчәген әйтте.
«19 июньдә Казан Сабан туе өч традицион мәйданда: Тынычлык һәм Дәрвишләр бистәләре каенлыкларында, Аккош күле янындагы урман паркында узачак. Көрәштә һәр мәйданның абсолют батыры билгеләнәчәк. Быел өч абсолют батырга да тәкә һәм квадроцикл биреләчәк», - диде Азат Абзалов ТР Хөкүмәт йортында узган брифингта.
Азат Абзалов батырларны билгеләү жирәбә буенча башкарылмаячагын, көрәшчеләр абсолют батыр калганчы көрәшәчәген белдерде.