Синоптиклар Татарстанда томан, яшен һәм көчле җил турында кисәтте
22 июньдә Татарстанда аязучан болытлы һава торышы фаразлана. Урыны белән яңгыр, яшен көтелә. Төнлә республикада томан төшәргә мөмкин.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, яшен вакытында җилнең тизлеге секундына 15-20 метрга җитәчәк.
Төнлә һава температурасы +9..+14 градус була, ә көндез +20..+25 градуска кадәр фаразлана.