Кама Тамагында «Коляскалар парады» була
Иртәгә, 24 июньдә, 16.00 сәгатьтә Кама Тамагының Туфан Миңнуллин паркында юл хәрәкәте кагыйдәләре буенча бала арбалары белән идарә итү буенча ярышлар башлана. Ярышларда теләге булган һәркем катнаша ала, моның өчен юл хәрәкәте куркынычсызлыгы тематикасы буенча теләсә кайсы хәрәкәт чарасын (велосипед, самокат, балалар яки курчак коляскасы) оригиналь итеп бизәргә генә кирәк.
«Идел таңнары» сайтында хәбәр ителгәнчә, хәрәкәт итү чарасын юл-патруль хезмәте, ашыгыч ярдәм һ.б. кебек махсус машиналар рәвешендә, яктылык кайтаручы элементлар белән бизәргә мөмкин.
Конкурста катнашу мәсьәләсе буенча яшьләр эше бүлегенә 2-33-40 яки 88437921237 телефоны аша мөрәҗәгать итегез.