Быел Казан халыкара мөселман киносы фестивале 2 млн сум федераль грант откан
Быел Казан халыкара мөселман киносы фестивале федераль грант откан. Грантның суммасы – 2 млн сум.
«Без быел беренче мәртәбә кинофестиваль өчен Россия гранты оттык. Кинофестивальнең беренче елларында федераль ярдәм булгандыр. Ләкин соңгы ун елда андый ярдәм булмады», – диде кинофестивальнең башкарма директоры Миләүшә Айтуганова «823 километр» фильмын төшерү барышын карарга килгән журналистларга.
Быелгы кинофестивальнең тагын бер яңалыгы бар. Форумга Россиянең барлык киномәктәпләре чакырыла. «Безнең уртага салып сөйләшәсе проблемаларыбыз күп. Шуларның берсе урта звено кадрлары әзерләү», диде Миләүшә Айтуганова.
- XVIII Казан халыкара мөселман киносы фестивале 7-11 сентябрьдә узачак.