Татарстан Хезмәт министрлыгы августта өстәмә ял көне турында искәртте
Август ахырында татарстанлыларны өстәмә ял көне көтә. Бу хакта бүген Татарстан Хезмәт, халыкны эш белән тәэмин итү һәм социаль яклау министрлыгының матбугат хезмәте искәртте.
«Татарстан Республикасының бәйрәм көннәре һәм истәлекле көннәре турында»гы ТР законы нигезендә 30 август - Татарстан Республикасы көне, ягъни эшләми торган бәйрәм көне булып тора. Бәйрәм көненә кадәрге эш көне яки сменаның озынлыгы бер сәгатькә кими», диелә хәбәрдә.
Шулай итеп, татарстанлылар сишәмбе, 30 августта, ял итәчәк. Ә дүшәмбе, 29 августта, бер сәгатькә азрак эшләячәкләр.