Лаеш районы башлыгы Имәнкискәдә беренче класска баручы дүрт укучыга бүләкләр тапшырды
Мәктәп кирәк-яраклары «Мәктәпкә җыенырга ярдәм ит» акциясе кысасында бүләк ителде.
Лаеш районы Имәнкискә авылында беренче класска быел тугыз бала бара. «Мәктәпкә җыенырга ярдәм ит» акциясе кысаларында күп балалы гаиләләрдән булган дүрт укучыга мәктәп кирәк-яраклары тапшырдылар.
Район башлыгы Илдус Зарипов балаларга уңышлар теләде.
«Республикада, Россиядә беренче класска барган балаларга бүләкләр тапшыру акциясе бу. Балаларны котлыйбыз! Бишкә генә укысыннар, яхшы укысыннар. Исән-сау, сәламәт булсыннар», – диде Илдус Зарипов.
Мәктәп укучыларына бүләкләр тапшыру Имәнкискә мәчете янында «Чишмә» чиста су пункты ачылышында тапшырылды.