Кабан күле ярында аудиоспектакль тәкъдим итәчәкләр
17 сентябрьдә Кабан күле ярында Татарстан башкаласы халкы һәм кунаклары аудиоспектакль тыңлый һәм Казан рәссамнарының инсталляцияләрен күрә алачак. Аларның һәрберсе бер сюжет белән бәйле һәм аны тулыландыра.
«Кабан Cool» спектакле режиссерлары Ксения Шачнева һәм Динә Сафина Кабан күленең үткәне һәм бүгенгесе турында шәһәрлеләр һәм экспертлар тарихларын җыйган. Туган якны өйрәнүче Марк Шишкин, режиссер Илгиз Зәйниев, дендролог Сергей Мурзов, орнитолог София Хохлачева һәм башка кунаклар күлнең шәһәрне һәм шәһәрнең аны ничек үзгәртүе турында сөйләячәкләр. Бу хакта Казан мэриясе хәбәр итә.
Чара 17:00 дә Сәлимҗанов һәм Татарстан урамнары кисешкән урында, күлнең балалар мәйданчыгы өстендәге ярында башланачак. Аудио спектакльне тыңлау өчен кесә телефоны һәм наушниклары кирәк булачак, дип хәбәр иттеләр Казанның парклар һәм скверлар дирекциясендә.
Спектакльне 17 сентябрьдән соң да тыңларга һәм карарга мөмкин булачак. Моның өчен старт ноктасын табарга һәм проектка сылтама белән QR кодны сканерларга кирәк.