Казанда намаз укырга өйрәнергә теләүчеләрдән гаризалар кабул ителә
Казанда намазга өйрәтү буенча «Бер көнлек мәктәп»кә тыңлаучыларны җыю дәвам итә. Уку бушлай, дип хәбәр итә ТР мөселманнары Диния нәзарәте матбугат хезмәте.
Хәзергә 70 тән артык кеше катнашырга теләк белдергән. Уку 15 нче октябрьдә башлана.
Программа тәхарәт, намаз, хәләл, хәрам төшенчәләре буенча алты дәресне үз эченә ала. Дәресләр шимбә саен Галиев мәчетендә иртәнге 8.00 дән 12.00 гә кадәр бара. Укыту рус һәм татар телләрендә, шулай ук тыңлаучылар өчен тәүлек буе онлайн-консультация оештырыла.
Укуга 17 яшьтән өлкәнрәкләр чакырыла. Гариза бирү өчен, https://clck.ru/EZQEj сылтамасы буенча узып теркәлергә яки +7(843)237-86-18 номеры буенча шалтыратырга кирәк.