Уфада күренекле мәгърифәтче Мифтахетдин Акмулла турында спектакль премьерасы була
Башкортстанда 13 октябрьдә Уфада Республика халык иҗаты үзәгенең Мәдәният йортында «Акмулла» спектакле премьерасы булачак. Спектакль бөек шагыйрь, дин белгече, мәгърифәтче Мифтахетдин Акмуллага багышлана. «Башинформ» шул хакта хәбәр итә.
Сценарийның авторы – «Табын» башкорт халык иҗаты коллективы режиссеры, Башкортстанның атказанган артисты, Мостай Кәрим исемендге Милли яшьләр театры актеры Илнур Локманов.
Халык иҗаты үзәге матбугат хезмәте хәбәр иткәнчә, Мифтахетдин Акмулланың тормышы авырлыклар, кыенлыклар һәм киртәләр белән тулы булган, ләкин бу аңа тарихта үз эзен калдырырга комачауламаган.
Тамаша 18.00 сәгатьтә башлана. Адресы: Кустарная ур., 17 йорт. Билетларны Пушкин картасы белән алырга мөмкин.