Мобилизацияләнгән татарстанлыларга чүп-чар чыгарган өчен түләүне яңадан исәплиләр
«ПЖКХ» идарә компаниясе каты коммуналь калдыкларны чыгарган өчен мобилизацияләнгәннәр өчен түләүләрне яңадан исәпләүгә гаризалар кабул итә башлады. Армиядә хезмәт иткәнче, коммуналь хезмәт өчен түләү һәм пени исәпләнмәячәк, бу нигезсез бурыч җыелу очракларын булдырмаячак.
Идарә компаниясенә Татарстанның Югары Ослан, Балтач һәм Әтнә районнарыннан 300дән артык кеше гариза биргән. Бу хакта регоператорның матбугат хезмәте хәбәр итә.
Яңадан исәпләтү өчен гариза бирергә һәм хәрби комиссариаттан хәрби хезмәткә алыну турында белешмә беркетергә кирәк. Документларны бердәм исәп-хисап үзәге бүлекчәсендә - «Татэнергосбыт», муниципаль районнар администрациясе һәм почта (420087, Татарстан , Казан шәһәре, Ватан ур., 8 йорт, 10 офис) аша бирергә мөмкин.
Искәртик, Россиядә өлешчә мобилизация 21 сентябрьдән 28 октябрьгә кадәр булды. Хәрби махсус операция уздыру зонасында хезмәт итү өчен 30 мең резервчы чакырылды.