Актанышның сәнгать йолдызлары «Йортыбыз-Татарстан. Россия» фестивале лауреатлары булды
Бүген Халыклар бердәмлеге көнендә республиканың иң күренекле сәнгать әһелләрен хөрмәтләделәр. Алар арасында Актаныш йолдызларының да булуына зур горурлык инде.
Илдус Харунов җитәкчелегендәге «Баламишкин» гармунчылар ансамбле, Лилия Фәтхуллина җитәкелегендәге «Ак инеш» хореография ансамбле, Лилия Мостафина җитәкчелегендәге «Тамчы» катнаш вокаль ансамбле «Йортыбыз-Татарстан. Россия» фестивале лауреатлары булып танылды. Бу турыда «Актаныш таңнары» хәбәр итә.
Әлеге иҗат коллективлары җитәкчеләре бүген Казанда Халыклар бердәмлеге көне уңаеннан оештырылган тантанада бүләкләнде.