Белгеч популяр мессенджерларда нәрсә язарга ярамаганын әйтте
Мессенджерларда язып, аннары бетерелгән мәгълүмат кайчан да булса килеп чыгарга да мөмкин. Шуңа күрә яшерергә яки беркемгә дә күрсәтмәскә теләгән әйберләрне чатта язарга кирәкми. Бу турыда РИА Новости белгечкә сылтама белән хәбәр итте.
Иминлекне бик ныклап ышандырган очракта да, яшерәсе килгән белешмәне язмау хәерле. Бу турыда «Прайм» агентлыгына «Код Безопасности» компаниясенең мәгълүмати иминлек буенча эксперты Павел Коростелев сөйләгән.
Аның сүзләренчә, кулланучылар һәрчак уяу булырга тиеш, мөһим мәгълүматны электрон рәвештә теркәп куярга, дөрес аңламау килеп чыгарлык булса, «ике мәгънәле» хәбәрләр язарга кирәкми.
Коростелев сүзләренчә, җинаятьчеләр хәбәрләшүнең бетерелгән өлешен бэкаплардан таба ала. Бу очракта хәбәрләшү тарихын җайланмадан ук бетереп ташлау ярдәм итәргә мөмкин, ди белгеч.