Казанда кибеттә кеше сумкасын урлаучыны тоткарлаганнар
Якшәмбе, 27 ноябрьдә, полициягә хатын-кыз мөрәҗәгать итте. Ул шәхси әйберләре һәм банк картасы салынган сумкасын урлаулары турында сөйләде. Аңа 195 мең сум зыян китерелгән. Бу вакытта хатын-кыз төзелеш материаллары кибетендә булган.
Полиция кыска вакытта шикләнелгән кешенең эзенә төшкән һәм аны тоткарлаганнар. Ул Казанда яшәүче 52 яшьлек хатын-кыз булган. Ул зыян күрүченең сумкасын онытып калдыруыннан файдалануы турында әйткән. Бу хакта Россия Эчке эшләр министрлыгының Казан буенча идарәсенең матбугат хезмәтендә хәбәр иттеләр.
Сумканы алучыга карата «Урлау» маддәсе буенча җинаять эше кузгатылган. Хәзер ул беркая китмәү турында гариза язган. Бу эшне тикшерү дәвам итә.