Татарстанда пәнҗешәмбе көнне томан, җил һәм +14 градус җылы булачак
Иртәгә, 6 апрельдә, Татарстан территориясендә күк йөзе алмашынучан болытлы булачак, явым-төшем яву ихтималы аз. Төнлә һәм иртән республикада томан төшәчәк. Татарстанның Гидрометеорология үзәге шул турыда хәбәр итә.
Җил төньяк, төньяк-көнчыгыштан исәчәк. Аның тизлеге секундка 5-10 метр була. Иртән һәм көндез җил урыны белән 13 м/с кадәр көчәергә мөмкин.
Төнлә Татарстан Республикасының күпчелек өлешендә -2..+3 градус булачагы фаразлана, көнбатышта +2..+5 градуска кадәр җылырак булуы көтелә. Көндез һава +9..+14 градуска кадәр җылына.