«KazanForum 2024» форумында катнашу өчен теркәлү башланды
«Россия — Ислам дөньясы: KazanForum 2024» XV Халыкара икътисади форумда катнашуга теркәлү башланды. Ул 2024 елның 16-17 маенда республика башкаласында узачак.
Әлеге чара кысаларында берничә чара планлаштырылган, шул исәптән ислам дөньясы илләре белән традицион хөкүмәтара комиссияләр, «Россия — Ислам дөньясы» стратегик күзаллау төркеме утырышы, хәләл-индустрия күргәзмәсе, хәләл ярминкә, мөселман модасы фестивале.
«Россия һәм Ислам хезмәттәшлеге оешмасы илләренең халыкара икътисади форумы — сәүдә мөнәсәбәтләре, турыдан-туры чит ил инвестицияләре өлкәсендә хезмәттәшлекне үстерү, ислам финанс системасы мәсьәләләре турында фикер алышу максатында диалог мәйданчыгы», — дип билгеләп үтте KazanForum федераль оештыру комитеты рәисе урынбасары Рөстәм Миңнеханов.
- Теркәлү сылтама буенча уза.
Халыкара икътисади форум Татарстан башкаласында 2009 елдан башлап ел саен үткәрелә. Россия Президенты Владимир Путин карары белән 2023 елдан ул федераль статус алды.