Россия президентининг қиёфадошлари борми? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Россия президенти Владимир Путинга жонли мулоқот пайтида дипфейк дастурида тайёрланган “қиёфадоши” савол берди. Сиёсатчидан қиёфадошлари бор ёки йўқлиги ва сунъий интеллектнинг хавфи ҳақида сўралди.
Путиннинг сўзларига кўра, унинг қиёфадошлари мавжуд эмас ва бундай бўлишини истамайди.
“Кўряпманки, сиз менга ўхшашингиз ва менинг овозимда гапиришингиз мумкин. Аммо менинг овозимда фақат бир киши гапириши мумкин деган қарорга келдим ва бу ўзим”, — дея Россия президенти “қиёфадоши”га юзланди.
Путин у унинг “биринчи қиёфадоши” эканини қўшимча қилди ва сунъий интеллект ривожланишининг олдини олиш мумкин эмаслигини айтди.
“Аммо бу ривожланиш қандай якунланишини ҳеч ким билмайди. Ядро қуроли таҳдид эканлигини англаб етгач, музокараларни бошладик. Сунъий интеллект билан ҳам худди шундай бўлади”, — деди у.
Маълумот учун, 2015 йилда ҳам Россия президентидан қиёфадоши бор ёки йўқлиги сўралган. У ўзига ўхшаган одамнинг суратига шундай муносабат билдирган:
“Қандай қиёфадош? Менда қиёфадошлар йўқ. Улар менга нега керак?" — деган у.
2020 йилда Россия раҳбари “ТАСС”га берган интервьюсида 2000 йиллар бошида, “терроризмга қарши кураш бўйича энг оғир даврларда”, унга ўз қиёфадошини жалб қилиш ҳақида таклифлар тушганини тан олганди. Хусусан, президент учун хавфсиз бўлмаган тадбирларга ўзи бормасдан, қиёфадошини юбориш таклиф этилган. Путиннинг сўзларига кўра, у бундай ташаббусни рад этган.
[/allow-turbo] Дунё Shuhrat Fri, 15 Dec 2023 00:20:00 +0500