Новости за 09.01.2024

Төмән трактында авариядә 21 яшьлек студент кыз һәлак булган. Виктория утырган «Haima» машинасы йөк автомобиленә бәрелгән. Бу турыда «Комсомольская правда» хәбәр итте.

«Әгәр эстрадада ул булмаса, аны һичшиксез уйлап табарга кирәк булыр иде. Юкса, шулкадәр күп хатын-кыз кемгә гашыйк булыр иде дә, зәмһәрир суыкларда кемнең концертына барып, язга, назга, мәхәббәткә төренеп кайтыр иде? Сез инде аңлагансыздыр, кунакта Әнвәр Нургалиев булыр» , – дип таныштырды Лилия Кадыйрова «Татарстан – Яңа гасыр» телеканалындагы «Сөйләшергә вакыт» тапшыруының кунагы белән.

Озакка сузылган ялларда яки гаилә бәйрәмендә өстәлдәге майлы, ысланган, татлы камыр ризыкларыннан тыелып тору бик кыен. Төрле ризыкны күпләп ашау ашкайнату системасына тискәре йогынты ясый.

Хафиз Хамматуллин Минзәлә театрында 40 елга якын эшли. Ул театрга 1985 елда Казан театр училищесын тәмамлаганнан соң килә. Тумышы белән Актаныш районыннан. Хафиз ага белән театр, Актанышта сәнгатькә үзенчәлекле мөнәсәбәт һәм якын дусты Хәния Фәрхи турында сөйләштек.

Мамадыш районы Шәмәк авылында яшәүче фермер Илнар Газизҗанов урамда -25 градус суыкта бакча башындагы елгага чумган видеосын күрсәтте. «Авылда культурно ял итәргә вакыт та табабыз, Аллаһка шөкер», – дигән сүзләр язган ул видеоның астына.

Җырчы Ринат Рахматуллин, «Интертат» хәбәрчесе белән элемтәгә кереп, колониядә ниләр белән шөгыльләнүен сөйләде. Җырчы киләсе сезон концертларына яңа программа уйлый, яңа җырлар иҗат итә.

Татар эстрадасының «Шәрәпҗаны» һәм юмор остасы Рамил Шәрәпов социаль челтәрдәге сәхифәсендә халыкка җитди мөрәҗәгать белән чыкты. Махсус хәрби операциядә алгы сызыктагы егетләргә ярдәм кирәк, аларның яши торган окоплары (окопны ныгытып ясаган бүрәнәләр дип аңларга кирәктер – «Интертат») һәм кирәк-яраклары янып беткән.

Популяр алып баручы Гөлназ Сәфәрова «Татар Радиосы»ннан киткән. Бу хакта ул социаль челтәрләрдә укучыларының сорауларына җавап биргәндә әйткән.

Башкортстанның Нуриман районында Үкәрле авылы янында Уфа-Иглин-Красная Горка юлында авариядә 2 кеше үлгән, 4 кеше имгәнгән. Прокуратура әлеге эшне контрольгә алган. Бу турыда «Башинформ» хәбәр итте.

Җырчы Ильвина Яңа ел ялларында тик кенә ятмый: яңа җырлар яздыра башлаган. Яңа җырларының берсен ул композитор Зөфәр Хәйретдиновтан яздырткан. Дөрес, җыр 15 ел «өлгергән». Бу хакта җырчы социаль челтәрдәге аккаунтында хәбәр итә.

Татарстанның халык артисты Гүзәл Уразова гомер бәйрәмен – туган көнен бәйрәм итте. Бу хакта ул социаль челтәрдәге аккаунтында яза.

Татар халкында еш кулланылучы «сөйкемле сөяге бар» әйтеме нәкъ менә Эмиль Талиповка туры килеп тора да инде. Кызлар арасындагы популярлыгы да шул хакта сөйли шикелле. Шуңа да карамастан, ул башкалардан үзенә генә хас тыйнаклыгы белән аерылып тора, социаль челтәрләрдә дә утырмый. Моның турында ул «Интертат»ка сөйләде.