Новости за 15.01.2024

Россиягә Африкадан – аерым алганда, Кения дигән илдән – 10 мең кеше эшкә киләчәк, дип язган идек. Бүген Мәскәүдә кар көрәгән кара тәнле кешеләр фотосы чыкты. Бу кешеләрне Кубадан дип язалар.

Узган атнада җомгага каршы кичтә Казанның «Дин энҗесе» («Жемчужина веры – Фатима») ятимнәр йортында янгын була. Бу йорт Тереза Камалова тәрбиягә алган 20гә якын баланы үзенә сыендырган. Янгында балалар зыян күрмәгән. Соңыннан тулысынча янып беткән йортта Коръән китабы табылган.

Башкортстанда ир белән хатын янгында һәлак булган. Алар, документларын алырга дип, ут капкан йортка кире кергән. Бу турыда «Башинформ» хәбәр итте.

Зәйнәб Фәрхетдинова һәм Зөфәр Билаловларның уллары Акбулатны өйләндерүе хакында хәбәр иткән идек. Акбулат тормышын үзенең сөйгәне Әдилә исемле кыз белән бәйләде. Акбулат Әдиләгә тәкъдимне Берләшкән Гарәп Әмирлекләрендә ял иткәндә, «Бурдж-Хәлифә» манарасы янында ясаган иде.

Шушы көннәрдә генә Рамилә һәм Рифат Хәсәновлар гаиләсе зур сынауга дучар була. Гаилә башлыгы арендага алып эшләгән автосервиста янгын чыга.

Блогер Диана Сәфәрова һәлак булган авария буенча җинаять эшен Чишмә районы судында кабат карый алмаганнар. Бу хакта «Честно говоря» Телеграм-каналына сылтама белән «Башинформ» сайты яза.

16 гыйнварда Татарстанда болытлы һава торышы була. Кар явачак, кайбер районнарда буран була. Көньяктан 8-13 метр тизлектә, көндез урыны белән 23 метрга кадәр көчле җил. Төнлә һава температурасы -10..-15˚, көндез -1..-6˚, көнчыгыш районнарда -10˚ градус. Юлларда бозлавык.

Җырчы Илшат Вәлиев социаль челтәрләрдә дәү әтисенең вафат булуы хакында язган.

Чечняда 54 яшьлек ир-атны үтерүдә шикләнелгән кешене тоткарлаганнар. Ул кылган җинаять зур резонанс алды: үтерүче корбанын ишегалдындагы бала күз алдында чәнчеп үтергән һәм бу гамәлен үзе үк видеога төшергән.

Журналистларның «Слово пацана» сериалы белән «просмотр» эшләү омтылышы маразмга китте – 90нчы елларга бәйле барлык вакыйга/сюжетны әлеге сериалга бәйләп, сериал исемен башисемгә чыгарып, интернеттагы эзләү системаларына эләгергә маташу омтылышы журналист халкын саташыр дәрәҗәгә җиткерде.

Айгөл Бариева Яңа елны үзенең иң төп хыялларының берсен тормышка ашырудан башлаган – Кече хаҗ сәфәренә кузгалган. Җырчы анда үзенең мәрхүм тормыш иптәше Линар белән барырга ниятләгән булган.

Блогер Рәфис Атаказ язылучыларының сорауларына җавап биргән. Аннан мәхәббәт, бәхет, өйләнү, балалар турында сорашканнар, шулай ук блогерның эш урыны, машина йөртү таныклыгы бармы икәне белән кызыксынучылар бар.

Казанның «Гаилә» мәчете имам-хатыйбы, «Мөхәммәдия» мәдрәсәсе директорының беренче урынбасары Рөстәм хәзрәт Хәйруллин телеграм-каналында хатын-кызларга киңәш язды.

Блогер Гөлия Вәлиәхмәтова социаль челтәрдәге сәхифәсенең 3 еллыгына багышланган хәләл кичә үткәрде. Анда күпсанлы блогерлар белән җырчыларның да «иң-иң»нәре чакырылган иде. Шуларның берсе – Ришат Төхвәтуллин.

Соңгы вакытта Илназар белән Зәринә Хәсәншина дуэты популярлашып китте. Аларның «Бәхет алмасы», «Бик бәхетле» дигән җырларын халык яратты. Әлеге дуэтның мәхәббәт турындагы чираттагы җыры музыкаль мәйданчыкларга чыкты.

Новосибирск өлкәсендә күп балалы әти кешегә, хатыны үлгәннән соң, суд аша хастаханәдән 30 мең сум түләгәннәр. Ольганың 4 баласы ятим калган. Бу турыда «Комсомольская правда» хәбәр итте.

Җырчы Гүзәл Уразова әтисе Әскәр абыйны, бик тә җылы итеп, 65 яшьлек юбилее белән тәбрик иткән.

Телефон номерларына хәбәрләр җибәрүче СМС-бомбер программасын үпкә саклаган явыз ниятле кешеләр, кредит бирүче компанияләр һәм коллекторлар куллана. Алар ачу саклаган объектларына бетмәс-төкәнмәс хәбәрләр юллау юлы белән һөҗүм итә. «Челнинские известия» журналисты да шундый хәлгә юлыккан.