Виноградлы салат рецепты
Виноград салатка әчкелтем тәм биреп, салатны тәмле итә
Ингредиентлар: 350 грамм ысланган тавык түше, 3 йомырка, 80 грамм каты сыр, майонез, 250 грамм виноград, 40 грамм әстерхан чикләвеге.
Салатка карри тәмләткече һәм тоз сибеп кыздырылган тавык итен дә кулланырга була. Виноградның төшсезен сайларга кирәк, чикләвекне «уятып алырга» ягъни аз гына кыздырып алырга, уклау белән бераз вакларга, йомырканы һәм сырны угычтан уарга кирәк.
Тәлинкәгә салат яфрагы куярга, анда тавык ите, майонез, йомырка, чикләвек, сыр, чикләвек, майонез тәртибендә җыярга. Аннары салатның өстен виноград белән бизәргә.