Новости за 02.04.2024

Төрле матбугат чараларыннан һөҗүмне күргән шаһитларның сөйләвен тәкъдим итәбез.

Узган елның көзендә халык «Башкорт хуҗабикәсе» буларак белгән блогер Миләүшә Шәйхисламова БСТ журналисты Рита Өметбаева белән конфликтка кергән иде. Рита Өметбаева блогерның бер вайнын тәнкыйтьләп чыкты, аның әлеге постын башкалар да алып куйды. Блогерны үзен «башкорт» дип атап, исерткеч эчемлекләр кулланып, башкача түбән зәвыклы видеолар төшерүдә гаепләделәр.

Уфада 30 марттан бирле 2 малайны – 13 яшьлек Павел Паличев белән 14 яшьлек Дамир Адигамовны эзлиләр. «Newsbash.ru» хәбәр итүенчә, Агыйделдә сыңар итек табылган. Аны малайларның берсенеке дип уйлыйлар.

Татарстанның Дәрвишләр бистәсендә җиңел машина поездга бәрелгән. Авариядә 2 кеше үлгән. Бу турыда «Татарстан 24» каналы хәбәр итте.

Аз гына җылытып җибәрүгә, кайбер якларда язгы ташулар да башланды. Буаның Исәк авылына да гөрләп ташу төшкән. Авыл урамын иңләп аккан язгы ташкынның видеосын җырчы Динә Латыйповага райондашлары җибәргән.

Татарстан тарихы китаплар, фәнни мәкаләләр, иллюстрацияле җыентыклар, кинохроникада һәм архивта гына түгел, ә фотоларда да чагылыш таба. Тарихи мизгелләрне фотоларга төшереп калдырган, быел Тукай премиясенә кандидат булган Рамил Гали һәм Евгений Канаев «Интертат»ка премиягә карата фикерләрен, моң-зарларын сөйләде.

Бүген Татарстанга дроннар һөҗүме булды. Татарстан буенча Гадәттән тыш хәлләр министрлыгы идарәсе дроннар – пилотсыз очкычлар һөҗүме вакытында нишләргә икәнен искәртеп, кулланма чыгарды.

3 апрельдә Татарстанда аязучан-болытлы, явым-төшемнәрсез һава торышы була. Көньяктан, көньяк-көнбатыштан уртача тизлектә, көндез урыны белән 15-18 метр тизлектә көчле җил. Төнлә һава температурасы 2.. 7˚, көндез 9.. 14˚ градус.

Татарстан Республикасы Җыр һәм бию дәүләт ансамбле 3 көн дәвамында Тукай исемендәге Татар дәүләт филармониясе залында концерт күрсәтте. Бу – коллективның Россия шәһәрләре буенча зур гастрольләре, ягъни, турне алдыннан яңа программаның презентациясе иде. Шулай итеп, ансамбль башта «Халкыбызның мирасы» программасы белән абонемент алып Филармониягә концертларга йөри торган иң зәвыклы тамашачы алдында сынау узды.

Казахстанда Сазды елгасы ярларыннан чыгып, Актүбә шәһәренең бер өлешен су баскан.

Түбән Кама «Танеко» нефть эшкәртү заводына һөҗүм итәргә очып килгән пилотсыз очкычны радиоэлектрон көрәш системасы ысулы белән бәреп төшергәннәр. Бу хакта шәһәрнең мэры Рамил Муллин хәбәр иткән. Каза күрүчеләр һәм җимерелгән биналар юк, дигән ул.

Виноград салатка әчкелтем тәм биреп, салатны тәмле итә

Ингредиентлар: 350 грамм ысланган тавык түше, 3 йомырка, 80 грамм каты сыр, майонез, 250 грамм виноград, 40 грамм әстерхан чикләвеге.

Салатка карри тәмләткече һәм тоз сибеп кыздырылган тавык итен дә кулланырга була. Виноградның төшсезен сайларга кирәк, чикләвекне «уятып алырга» ягъни аз гына кыздырып алырга, уклау белән бераз вакларга, йомырканы һәм сырны угычтан уарга кирәк.

Тәлинкәгә салат яфрагы куярга, анда тавык ите... Читать дальше...

«Алабуга» махсус икътисади зонасы генераль директоры Тимур Шаһивәлиев дроннар һөҗүменә кагылышлы рәсми хәбәр чыгарды.

Булат Бәйрәмов белән Ләйсән Гыймаева «Гади мәхәббәт түгел» җырын тәкъдим итте. Яңа җырның авторлары – Гөлфия Шакирова һәм Илдус Дәүләнов.

«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» телеграм-каналында ризыкка тел тидереп карауның уразага ничек йогынты ясавы аңлатыла.

Башкортстанда 1 апрельгә каршы төндә фаҗига була. Белорет районындагы Железнодорожный авылында 4 кеше янып үлә. Бу турыда «Башинформ» хәбәр итте.

«Татарстан – Яңа гасыр» телеканалының «Гаилә учагы» тапшыруы төркеме Рафил Җәләлиев һәм Эльмира Гыйльфанова гаиләсендә кунак булган. Эльмира Гыйльфанова авыл эшләрен белмәве турында үзе дә, ире Рафил Җәләлиев та сөйләде, шулай ук каенанасы белән әнисе дә үз сүзен әйтте.

Бүген модель балалар турында сөйләшербез. Дөресрәге, мода мәктәбендә шөгыльләнүче балалар турында. Бу уңайдан, Казандагы «Department models kids» мода мәктәбенең директоры Шафикова Зәлинә Фируз кызы белән кызыклы гына әңгәмә кордык.