Казага калган намазларны ничек укырга?
«Татарча хәдисләр» телеграм-каналында казага калган намазларны уку турында аңлаталар.
«Казага калган намазларны һәрберсен аерым-аерым укырга кирәк. Рамазанда фарыз намазларга ташлама юк», – диелә бу хәбәрдә.
Әлеге каналда ялган хәдис турында да аңлатма бирелә.
«Мондый хәдис юк, мөхтәрәм җәмәгать, бу – ялган: مَنْ قَضَى صَلَوَاتٍ مِنَ الْفَرَائِضِ فِي آخِرِ جُمُعَةٍ مِنْ رَمَضَانَ كَانَ ذَلِكَ جَابِرًا لِكُلِّ صَلاةٍ فَائِتَةٍ مِنْ عُمْرِهِ إِلَى سَبْعِينَ سَنَةً
Кем үзенең калдырган фарыз намазларын(ың кайберләрен) Рамазанның ахыргы җомгасында каза кылса, бу – гомерендә һәм 70 елга хәтле калдырган намазларының казасы шикелле булыр», – диелә әлеге текстта.