Мөнир Рахмаевның хатыны иренең әти-әнисе белән аралашмавы турында: «Иң популяр сорау бу»
Артист Мөнир Рахмаевның хатыны Илсөяр иренең әти-әнисе белән аралашмаулары хакында сөйләгән иде. Әлбәттә инде, бу сүзләрдән аның язылучылары аптырашта калды. Моның сәбәбен белергә теләп, алар блогерга бик күп сораулар юллаган.
«Ни өчен ирегезнең якыннары белән аралашмыйсыз?» Бу көннәрдә сез биргән иң популяр сорау шушы. Башка сораулар бирә алмассызмы икән? Иң мөһиме – без бер-беребезне яратабыз, һәм без бәхетле», – дип җавап кайтарган Илсөяр күпне белергә теләүче дусларына.