Илсөя Бәдретдиновага концертындагы беренче җырын 4 тапкыр башкарырга туры килгән
Илсөя Бәдретдинованың Салават шәһәрендәге концертында көтелмәгән хәл булган. Аппаратура эшендә хилафлыклар килеп чыгу сәбәпле, җырчыга бер җырны кат-кат җырларга туры килгән.
«Шулайрак булды бүген. Концерттагы беренче җырны 4 тапкыр җырлаганым юк иде әле…» – дип язган җырчы.
«Бүген концерт алдыннан форс-мажор булды. Утта «скачок» булып, аппаратура сүнде. Ярты сәгать техник тәнәфес ясарга туры килде. Шулай булса да, җырлаштык», – дип тамашачыларга рәхмәт белдергән «ИБ төркеме»нең концертлар директоры Гүзәл Карамиева.